高奴做野唔需要向人解釋

 普通嘅人可以做低B嘅野，毫無分吋，但去到某個階層嘅高奴，已經有佢嘅職能，每一件事都經過精心計算，沒有意外或唔小心。

某些國家嘅領袖，唔方便表達，就會透過間接嘅方法去表達，如果求其找個人，人哋又feel唔到，太有份量，又會冇彎轉餘地，咁樣就啱啱好！表達出對「尾帝」示忠，「天朝」又不可詐型。

許多人說「突郎浦」又蠢又傻，講嗰個就真係又蠢又傻了，作為「尾帝」總統，責任何其重要，真係可以俾個癲佬亂咁嚟咩？去到佢呢個位已經係身不由己，唔通仲要解釋俾每個低奴都知道咩，最重要係俾個藉口可以做到佢要做嘅嘢。例如，債務嚴重，根本要加稅，但咁樣啲低奴選民唔高興，程序也不容易，唯有加關稅，最終大部份都轉嫁到消費者，咪即係要「尾國人」交消費稅。「尾國」現時危殆，再唔出手就好快死，加關稅就攬住一齊死，分分鐘自己唔使死，你會揀邊樣呢？

如果仲話「突郎浦」又蠢又傻嗰啲評論，水準都好有限，都唔需要再睇，浪費時間。國家就嚟破產，唔通講到出面，等世人打救，等國民救國咩，當然係說各國佔了「尾國」便宜，要加關稅爭取公平，趁「尾國」仲有影響力，力挽狂瀾，倘若成功，尾帝霸政仲可延續數十年。

做大事嘅人，永遠都不會能讓所有人明白，好像一些蝕本生意，點解仍然會做，做生意嘅人自然會明白，為了長遠嘅合作關係，係唔會介意。就好像跟朋友食野，我埋單都唔會叫人攞錢，一則雞碎錢，催都浪費資源，二則朋友係長遠關係，無謂計較，你請我，我請你也冇所謂，不必計較。做大事嘅人係唔會計較細節，顧到細節嘅人係做唔到大事，所以頂級高奴係唔會理會世人點睇佢，亦唔會care，亦唔會解釋，佢只需向佢嘅最高級幕僚、「馬屍黑」講清楚，消除佢哋嘅疑慮，讓佢哋全心全意工作，係咁多！