移英日記（227）放假辛苦過返工

 小兒放假，大人受難。因為小朋友精力汪盛，如果只係放寬睇電視及打機時間，係短暫解決了問題，可以專心少少炒下股、學英文、做家務，但可能藍光問題，加上體力冇消耗，晚上睡不好，大人也冇覺好瞓，最終自己也受苦。

所以一定要外出活動。這次友人約了雷丁Reading嘅朋友上嚟愛丁堡，一個女人帶兩個男孩，嚟到英國才離婚，為兒子堅持留下，真係唔容易，我見到佢偷偷地吸煙，就明白佢有多苦。友人叫我去酒店幫手接人，但我哋啲窮鬼架車咁細，豐田Yaris表面可座五人，但後座十分迫，幫人就唔好計較，有車坐嘅人也不會介意，然而巿中心根本不可能泊車，俾的士佬「咇」到暈，小朋友可能唔熟我哋，阿吱阿咗唔上車，最終友人兩個較大女兒上我車，我開車才鬆一口氣。

首先去Country Park, Dalkeith EH22 2NA，這是曾經去過嘅達爾基斯國家公園，但這次book了Treetop Adventure，係一個十分好嘅親子活動，我都要陪著小兒才能去，有的難度較高，沒有扶手行過懸浮物，小兒驚到喊，最好玩是纜索飛過所謂懸崖，我以前也是高空工作，徒手上棚架，一個人上吊船都係咁，為咗搵食，邊個唔係搵命搏，但因為要照顧小兒，幫佢甩扣上扣，又要指示，又要鼓勵，有少少吃力，但肯定是很好嘅親子活動，真心推介！

（資料圖片）

（成功完成挑戰嘅小朋友，可獲証書。）

跟住駕車去食野，跟住去Cramond, Edinburgh EH4 6NU，Cramond沙灘，冇帶任何設備，只係吹下海風、曬太陽，小朋友當然係玩沙、執貝殼。

（資料圖片）

活動完了，本來可駕車返家，但也要車回友人兩女兒返家，佢哋仲要接待雷丁一家，去到友人屋宛，再到公園玩了一陣，然後才駕車回家。

成個愛丁堡嘅東、南、西、北、中，全部行勻晒，所以小兒放假，大人辛苦過返工。

由於很早便睡，今早五點幾便起床，窗外所望，竟是又光又大又圓嘅月亮，詩人杜甫說：「月是故鄉明」，果然是文人多大話，外國嘅月亮真係又大又圓，因為緯度及位置導致，外國嘅生活係點？全在乎是否適應及融入，我知道有些夫婦因移民攪到離婚係好可借，因為搵唔到錢及飲食問題，這裡有好食材，但唔係個個都係嗰個YouTuber「涼子零」可完全複製香港美食，但我哋要欣賞這地方好嘅野，除了大自然美景，健康也得到改善，因為空氣好，以及自己煮野食為主，避開了高鹽、高糖、高味精，只不過冬天天氣凍，有少少鼻水吧了！