IB投資系列：金融危機大增

 「尾帝」對付「天朝」，就好像以下拳賽：

（日本拳王面對世界拳王梅威瑟，除非你可以用腳，仲有機會贏，否則一定輸硬，用拳擊例的話。）

人家算有風度，如果出盡全力，你企喺度嘅能力都冇，「尾帝」做咁多野，不住苦口婆心要你返回談判桌，如果你仲講「互利共贏」之類嘅話，潛台詞即係平起平座，這是尾帝無法容忍嘅事，尾帝容許你加入「細謬」，可以扶植你上嚟，原以為你會與世界接軌，估唔到你實力增加，就反轉豬肚，不尊尾帝為盟主，反倒要平起平座，尾帝一定打到你服為止。

（變型金剛中，麥加登Magatron怎會容許星星叫Starscream作反，這是理所當然。）

（麥加登係唔會放過星星叫，除了因為星星叫已是狂派嘅老二，更因為佢成日想做老大。）

「前鬚攣」在石油價格上升時，與尾帝實力最接近，係有能力與尾帝一較高下，但對比今日嘅「天朝」，要跟尾帝平起平座，仲有很大距離。

繼續「悶聲發大財」不是最好嗎？唔需要威，揸甚麼「發拉你」、「臨補堅離」，揸「瘋填」咪算，雖然不招人嫉是庸才，但低調就少了很多麻煩，強出頭有甚麼好處呢？槍打出頭鳥，邊個出頭就死邊個。人哋見我戴Casio、仲用緊iphone11，爛身爛勢，知道你係窮鬼，被打劫嘅機率也少許多，誰知我俾乞衣都10鎊，但搶我錢嘅人，我一定同佢鬥到底，我都想知詠春拳得唔得？

高調係冇用，只會為自己帶來麻煩。富冇必要炫，只要找到自己嘅生活方式就可以了。當然我賺雞碎咁少錢都不能叫富，只係富足吧！

這段期間，尾股嘅波動性比新興巿場、「彼突幣」更甚，尾滙又跌，基金佬拋售尾債，債價急跌，令人失去信心，投資人唔係擔心衰退，而係擔心金融危機，「突郎浦」就係要令列國更差，從而對比下尾國已經係最好，資金冇選擇下留在尾元區，股巿又波動，冇選擇下買尾債。然而過去被認為冇風險嘅尾債都跌成咁，預料金融危機嘅風險大增，資金急急轉去「逸圓」、「垂豉髮廊」、「勾債」、「王甘」等。

咁嘅投資環境，新手免問，老手也要忍下手！

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。