IB投資系列：發夢要識醒！

 做得「賭徒」，甚麼都要識賭，個巿升要賺錢，跌也要賺錢，個巿唔升唔跌也要賺錢。就好像一門好嘅功夫，甚麼門派都能對付。

個巿升唔穿，或者跌唔穿，最好賣期權，收期權金，上星期又收錢（已post出嚟，冇吹水），五千幾講元唔係好多，但絕對幫到手，要去嘅餐廳，要飲嘅茶，從來唔會花不起，始終大不列顛外出食飯係昂貴，許多中奴，嚟到這裡降級做低奴，唔捨得！

我覺得投資戶口好像超級巿場，甚麼貨都要入，有賺有蝕好正常，有時減價用成本價賣出又有，跳樓貨要錢唔要貨又有，總言之，賺錢多過蝕錢就可以了。

我個IB投資戶口顯示未實現盈虧仍是負100萬，最近股巿反彈，變成負八十幾萬，但只要仍有現金流，利息、債息、公司息、基金息、REITs 息，每星期再收期權金、炒即日鮮，生活完全冇問題。

沒有人一開始就成熟，找到自己嘅路，勇於嘗試，永遠不是壞事，始終年輕，可以放任一下，到了某個年幾，就不可能亂咁試，當股票唔掂時，我都要死出去做野，曾經我也有個詠春夢，最後也不過一場春夢，這門功夫已是日落西山，即使我今日遊手好閒、無所事事，免費教人都冇人學，經濟學嘅剩餘價值太低，浪費時間，我也唔想阻礙炒股嘅時間及心情。所以，人係要發下夢，但發完就要醒了！

（每個人都唔同，有的人散步都賺到錢，有的人影自己打機，也有人課金，有的人做到嘔血都賺唔到錢，冇得怨！要找啱自己嘅路，然後才會成功。）

（一個人最緊要找到自己嘅路，羅琳又抑鬱症、又失業、失婚、單親…最後想自殺，後來靠寫小說治愈自己，也讓自己成功。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。