IB投資系列：唔好太多幻想！

 昨日有重鎊消息，當然要知甚麼事。

某電車出成績表，電車銷售減21.5%，儲能增67%，都補唔到條大數。「馬屍黑」五月減少政府效率部工作，多放在「突屍拉」，對解決品牌損害尤其重要。上半年生產低成本電車，六月出Austin嘅Robotaxi，但Optimus機械人卻因「天朝」出口管制稀土磁石，量產受影響。綜合種種因素，股價升4.6%，但年初至今仍下跌37.26%。

當我們睇完這些消息，我哋就要綜合這些資訊，作出判斷，經濟畢竟差，銷售一定下跌，能夠幫人慳錢嘅產品，可能係出路，唔好睇少儲能，「嬰國」有些能源公司，晚上電費係平許多，甚至某些時段係俾番錢給客戶，有些電車如「汗打 E」，可以駁條電線出來用，然而這些電車續航也不夠，怎可能再攞架車啲電嚟用？如果有類似power wall嘅儲能設備，可能幫到手。

至於平價電車，全世界渴慕已久，「天朝」電車「俾阿敵」在「嬰國」銷售也不錯，但也有許多人擔心品質及安全問題，如果「突屍拉」出平價電車，跟油車價錢差不多，許多人會轉電車。

至於Robotaxi，終於有落實，係一個好開始。

至於機械人，其實仲未得，「天朝」限制稀土，反而提供了藉口，讓他們用更多時間，收集數據及學習。

綜觀各樣因素，對股價係有提振，但唔會好大，因為平價電車及Robotaxi數量唔會好多，要真正量產才能產生盈利，Robotaxi能夠落實係好開始，但佢亦唔會一次過谷晒啲車出嚟，因為第一個試點唔可以衰，唔可以撞死人，否則其他城巿唔敢俾你試，一定小心翼翼，收集數據，加以改善，好像藥廠嘅藥物進入臨床階段，未賺錢㗎，唔好幻想太多。

（做生意一定有賺有蝕，炒股一定三更貧五更富，沒有甚麼大不了，有些人好像長勝將軍，根本係幻象。不過投資人一定要接受大上大落，勝不驕敗不餒，才能在股海生存。）

（最叻嘅拳手，一定有贏有輸，嗰啲話自己未輸過嘅人，一係講大話，一係未見過世面。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。