這個星期，真係歷經高低起跌，由「突郎浦」打關稅戰起，起初以為佢向全球作戰，四面開弓，點知原來「項莊舞劍，意在沛公」，真正要對付只有「天朝」，放開政治立場，國際關係只有利益，「東瀛」也是民主國家，但當威脅到「尾帝」，也用「講祥協議」將佢打低，令佢經濟失落三十年，這次也是一樣，做老二永遠唔會有好結果。
這星期也經歷高低起跌：
星期一 -48908元 一日蝕差不多五皮，好慘！
星期二 4871元 賺嗰雞碎咁少，補唔返！
星期三 60184元 「突郎浦」90日寬限急升！
星期四 -11703元 個巿又回一回，打個和。
星期五 37205元，終於贏番一鋪。
五日有贏有輸，埋單賺41647元。仲有期權金3.5尾金，100股即350尾金，2730元，夠飲幾次茶。
炒股票跟做生意一樣，一定係有賺有蝕，最緊要圍了大數是否ok，股神跟凡人嘅分別，就是股神賺多蝕少，凡人蝕多賺少，我哋喱啲低奴，大約一半一半，加上少少經驗及直覺，勉勉強強有兩啖粥水食下。一星期嘅數唔代表甚麼，更要睇一個月，甚至一年，才知係咪真係賺錢。
現時巿況波動，高低起跌係難免，如果經驗略淺，應該避一避險，資金放在証劵戶口收息也好、買債基收息也好、買短期尾債也好，等巿況大定，再作部署，只是我這等無業流氓，不甘於安定，有錢就一定身痕，唔係消費，而係投資，我唔怕波動，就係怕個巿唔郁。
又到新財政年度，又可以注資2萬鎊至ISA免稅投資戶口，早前ISA啲股票全變蟹貨，完全郁唔到，有資金才可報仇。
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
沒有留言:
張貼留言