向鬼佬介紹詠春，首先要知道詠春點講：
中線理論 The centerline theory
黐手訓練 The sticky hands drill
攻守同步 simultaneous attack and defense / block and strike at the same time
中線理論，許多所謂「師傅」都搞到一塌糊塗，由自己中線打至對方中線，係最短嘅路線，然而倘若不是前問後護嘅姿勢，每次將手先去中線，再進攻，等於所有動作非但沒有用最短路徑，也沒有用最少步驟，九成師傅都攪唔通，做甚麼師傅啊？埋中再打，好處係打不倒人，自己也自守，再者黐手群組都唔係打，只要掂到對方，即表示黐手技術更高，可以炫耀一下，「攻擊是最佳的防守」，這個道理小學生都識，讀歷史「圍魏救趙」，揮軍大梁就必解邯鄲之圍，「埋中」、「守中」道理唔係唔啱，但不是這場境！
一講詠春，我就火滾。有時咁諗，大家都係做戲啫，搵兩餐晏仔，何必咁認真？就是做戲，都要努力去演，臨時演員都係演員，手法唔好太離譜。講真，在絕對力量面前，甚麼所謂技巧、技術，都係垃圾，不堪一擊，將技巧推到極致，黐手黐到好勁，推手推到好勁，講到尾都不過演俾唔識搏擊嘅人，搏擊水平咪停留在興趣班水平，「誠聾」雜耍出身，佢竟然在「天朝」話自己勁過龍哥，真係死無對証，表演武術嘅「你年杰」唔通可以打得贏「週肶脷」咩？
藍球班、足球班…全部都係興趣班水平，冇問題嘅，因為學嘅人都係普通人，NBA、英超嘅人唔會出現在這裡，然而規則一定唔可以攪錯，否則真係誤人子弟了。
沒有留言:
張貼留言