移英日記（232）混沌少年時

 大不列顛帶給我哋喜悅，不就是睇戲…

Netflix 嘅混沌少年時，在大不列顛帶來極大迴響。因為佢反映嘅青少年現象太真實，對家長極有共鳴。

在大不列顛做學生係好自由，功課極少，你做唔做都冇人理，也理不了，「鄉講」有平時分、考試分，這裡冇評分、冇排名，你鍾意讀就讀，唔鍾意唔讀就唔讀，我嗰仔間學校有教併音，有分派故事書，佢哋在這地長大，讀到就識解，讀得多就認到字，另外要用iPad玩遊戲，聽個字要串出來，佢哋唔使好似我哋以前死背死串，聽個音就可併出來，練習得多就甚麼字都寫出來，識睇識寫就不是文盲，但你做得幾多，全在乎家長，家長都係做工人，往往唔會迫子女用功學習，所以世世代代做低奴，但是我哋亞洲人唔會放任仔女，印度人有錢少少，就供子女讀私立學校，至少可以做中奴，自己唔好都想仔女好。

公立學校如果仲係較差嗰啲，咪好像片中嘅學生一樣，學唔到野，仲搞出個大頭佛，唔好以為套片社會有迴響，政府就會做野，這個生態系統正是統治階層諗出嚟，許多工作仍需要低奴去做，要確保低奴在人口嘅比例一定要足夠，整個國家才能運作。

（片中提到「80/20法則」是以百分比認定男女關係社會的「性吸引力市場價值」，在藉由外表、年齡、職業社會地位、財富資產等條件綜合區分，只有具備高價值的男性才能獲得女性關注和約會來建立關係；而有了80%女性只會被20%優益男性吸引，剩下80%男性只能與20%價值偏低的女性交往，藏有歧視的思維。）