IB投資系列：接受波動

 「鄉講」係搵錢嘅，今日又吹雞要人…

「嬰國」最低工資係高過「鄉講」很多，問題係我哋好多人都唔係攞最低工資，嚟到「嬰國」，許多人也接受不了。我所見到，除了IT可以做番自己個行，人工也差一大截，不過輕鬆許多。

「尾帝」向「天朝」加145%關稅，廠商寧願唔要貨，唔要貨蝕100%，要貨蝕245%，冇得玩，工廠庫存增加，立刻停工，準備執笠。基金佬掟貨，尾債急跌，冇人要尾債即係冇人借錢俾尾帝，「突郎浦」急到瀨，準備刺破尾股，讓資金轉去尾債。又話豁免手機、晶片等，以致我買了「平菓」、「抬漬殿」，根住又話要俾「分太離」稅，我都俾佢玩到亂散陣腳。

咁概巿度，普通人千萬不要沾手。

不過，如果不甘心一世平庸…

就如已故高奴所言，必須承受波動。

炒股票最緊要隨機應變，識得走人，好像冇貨沽空了「平菓」，跟住又要考慮是否豁免清單？定係轉類別也要關稅？因借貨沽貨要俾利息，只能速戰速決，因此未有確定答案，平倉就算。

星期一最緊要賣一張星期五到期嘅期權，有貨賣看漲期權，冇貨賣看跌期權，確保每星期都有人請飲茶、自助餐、偽日本料理，你都知「嬰國」外出食飯貴，冇人贊助點得呢！

（賣看跌期權，必定要有接100股嘅資金或者孖展額度，量力而為，我咁耐都未接過貨，但唔等於可以賣十張期權，因為你接得股，意味跌得好甘，100股蟹貨已經好頭痕，何況1000股？千萬不要冒險，收3尾元期權金，100股即300尾金，約收2340講元，夠飲茶便算。抄功課冇問題，街外錢，但1尾元期權金，接嘅機率較低，錢越多，接嘅機率越大，風險越大，回報越大，自己衡量風險。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。