我跟「歪芺」（Wife) 各開IB英國免稅投資戶口ISA，大家用20000鎊（20萬港元）股本，鬥一鬥邊個賺更多錢。
我又冇「刀仔」咁本事，20元賺2500萬…
投資不能用一兩日計，要用一年去計，好似以前做地盤，散工日薪較高，但真正賺到錢、儲到錢，反而係公司工，因為公司工落雨咪等停雨再做，不影響收入，散工叫你收工或唔使返，個判頭衰，車費都冇俾，遲出糧、走數，更屢見不鮮。如果股市大跌，成舊錢投資在指數基金，效果更佳。
以暫時成績計，「歪芺」只有20167鎊，我以20539鎊，暫時領先，「盲拳打死老師傅」，暫時都未講得通。
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
正所謂：「好馬不吃回頭草」，我明白世界局勢不住改變，或許某一天漁村變得更好，「痕指」升至四萬點，但至少這一刻不會發生，十年內也不會發生，咁就要積極部署，讓事情變得更好。
古有孟母三遷，為嘅係希望下一代更好，今日我已四遷，很快迎來第五遷、第六遷，如果業主加租或迫遷的話。
只有移居大不列顛嘅「講人」要開免稅ISA，因為以前投資根本不需報稅及交稅，買賣印花稅已交了稅，唔使煩。
大不列顛人大多不儲蓄，不過真係儲蓄投資嘅人，在ISA有過百萬鎊，大有人在，真係可以安享晚年，佢地大都年幾較大，投資大不列顛嘅股票及資產，所以沒有外滙兌換費用。然而「講人」大多投資美股，一定要留意兌換費用，不能盲目選擇標榜免手續費嘅公司。
投資最緊要自由，冇自由嘅地方都唔會有人投資，然而ISA手續費高，又限制投資，綁手綁腳，IB更有每月最低3鎊消費，唔炒都要俾，一年要36鎊，究竟賺唔賺到錢？
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
移到英國，最頭痕一定係投資報稅，交稅事少，報稅事大，一年幾百幾千個trade，買賣價仲要計埋稅局公佈每月兌換率，月月不同，買嗰個月同賣嗰個月都唔同，全部要兌換英鎊計算，我告訴大家，即使你肯俾錢，英國都不會有會計師幫你做，只會建議你開ISA免稅戶口。
ISA免稅戶口，每個財政年度，容許入金兩萬鎊（20萬港元），所有投資在ISA不必報稅交稅，有冇咁著數？一定有蠱惑，係明益商家佬嘅政策，好似某年某日漁村經濟困難，政府向每個「強迫金」注資，巿民一個仙都用唔到，明益商家佬。
所有ISA投資戶口，如果同樣規格，放在巿場根本冇人會用，就好像「強迫金」裡嘅基金收費，放在巿場根本冇人會買，擺到明係明益商家佬，你喺漁村冇辦法，正如人在大不列顛，也是冇辦法，我只有選最好嘅ISA公司，最平嘅手續費。
有些移英講人又話Freetrade平，買賣零手續費，不過外滙對換0.45%，我哋蘇格蘭有個Chris哥又話Trading212平，買賣零手續費，不過外滙對換0.15%，我用真實例子，貨比三家：
ISA戶口只容許持有英鎊，又沒有孖展，如果買美股，就會出現負美元，IB便會用ISA嘅英鎊即時兌換美元償還，這個操作收取外滙費用0.03%，10251美元，即3.0753美元，連埋1美元手續費，IB合共要4.0753美元。Freetrade零手續費但外滙費用0.45%，10250美元，即46.125美元。Trading212零手續費但外滙費用0.15%，即15.375美元，咁收手續費貴？還是免手續費貴？大家自行判斷。
ISA炒股成本一定比正常IB貴，正常戶口一次過兌換足夠美元，都係2美元手續費，以後都無需再換，每次買收1美元，賣收1美元，股數大量再貴一點，現在逐次收外滙費，成本急增，而且限制多多，又不可投資美國ETF，VOO、QQQ，除非你伸報自己係專業投資者，例如資產達到某個價值、每年trade嘅數量夠多、有冇在投行等金融機構任職。但咁樣做又會失去普通投資者嘅保障，要諗清楚！
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
網上不住收到不同資訊…
我哋要慎思明辨這些內容，作出正確判斷。
某些國家經濟十分困難，危如累卵，不代表佢嘅「正拳」會倒台，只不過是某些敵對派系嘅主觀願望，好像「不寒」幾多人餓死，幾多人吃不飽，「金仔」仍然穩如泰山，幾時有倒台呢？「大鵝」民窮財盡，又被美帝制裁，「譜驚」仍然永續權位。
美帝睇嘅係利益，鵝烏戰爭打多幾多年，佢根本不在乎，甚至希望戰爭永續，歐洲繼續依賴美帝液態天然氣，以正義之名軍緩，軍火商繼續有錢賺，如果「荷敢勵」做總統，戰爭可以延續四年，佢地班人繼續賺錢，最怕「突郎普」重掌政權，要立即停戰，許多人見財化水。
有些人賭「突郎普」贏，投資本土工業股，但邊個做總統都未知，難以落注，我都係睇定啲先！
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
「有人辭官歸故里，有人漏夜趕科場」，永遠移英嘅人，一定有的人唔適應要回流，也有的人會堅持流下，有仔女嘅，九成九會堅持留下，除了嗰個儍佬…
當然每個人都有佢自己嘅考量，只不過三個月時間太短，好似玩泥沙咁，太兒戲了！
我承認安排仔女讀書係唔容易，好似我哋有心儀嘅小學，以為讀佢嘅Nursey就可坐定粒六入小學，原來唔得，英格蘭係計住宅及學校嘅直線距離，蘇格蘭係分區域，只要在校區就一定有，非校區就不一定有，在關鍵時候我們急急轉租校區內嘅住宅，也延期一年入讀小學，因為小兒係12月細B，英語也未講好，留多一年，打好根基，最終也入到心儀小學。
這四年間，搬了四次屋，「漁村」變賣了爛樓，轉租一年部署移民，英國落地租了「羞街」（South Gyle)，為校區轉租「蘿街」（North Gyle），仲未住定的，倘若加租，局你要走，除非買樓才能定下來。以前「蘿街」有個我們認識嘅「鄉講人」，因加租搬了East Craigs，跟住又加租，直至買了個Flat才定下來，不過最好笑East Craigs嘅業主用佢加租嘅價錢根本租不出，空了幾個月租，最後減回原來租金才租出，業主唔見幾千鎊（幾萬港元）及白交幾個月council tax。
（蘇格蘭小學低年班，免費Lunch，星期五返半日，打包返屋企，有三文治、乳酪、水果。）
有子女嘅移英人士，沒有後悔這回事，免費由Nursey讀到University（只限蘇格蘭），仲想點！除非真係適應不了就真係冇辦法。我唔會5+1留六年，至少睇到兒子大學畢業，才作定奪！
我自少無心向學，家境貧苦，錯過了雅達利、任天堂灰機、紅白機，人生第一部遊戲機已是世嘉Sega五代（人稱MD)，仲係二手機，後來借俾同學整壞了。世嘉遊戲機係有獨特嘅氣質，並非任天堂所能取代，雖然我下一部已買超任，但後來又買了Dreamcast。
不過歷史係冇如果，有早知冇乞衣，我都唔使窮咗咁多年，捨棄谷歌嘅雅虎、捨棄安桌嘅諾基亞、捨棄數碼嘅柯達，都難逃時代嘅淘汰。GPU突然在AI興起，是時代選擇了輝達，之前都冇人知，僅僅靠顯示咭值幾多錢？大家心照不宣。
當年誠哥賣中環中心，買英國公用事業，人人話佢儍，今日長建可以英國上巿，又有英國人買，股價仲升了，邊個係真正智者，十分清楚，四叔曾經短時間超越誠哥成為香港首富，今日恆地都唔惦，早早讓位俾誠哥了。
我唔知誠哥點解可以知道天機？坊間又話佢係甚麼會？幾多級會員？咁講係冇意思嘅！難道佢穿膠花時有資格入這些會麼？咁多富豪都有資格入這些會，為何唯獨誠哥知道天機？知道天朝必衰，及早撤資？
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
正所謂：有危有機，有危險就有機會，所以危機並不是負面，問題你能否掌握。
同樣嘅事，有人賺錢，有人蝕錢。
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
又有新消息…
「狼來了」，幾時才完呢？即使係真，也冇意思，因為太空泛，沒有具體減幅？時間表？好像我跟你說世界末日將到，神嘅審判將到，冇意思㗎！啲人如常犯罪，繼續打扙⋯⋯
現在仍有很多變數。
未來去向未定，商家佬都會靜觀其變，睇定啲，唔敢輕舉妄動。
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
漁村沒有最差，只有更差…
還想起當年仍然主力投資漁村，持股如下：
最近知道誠哥追差價，趕盡殺絕，一點人情味都冇，究竟係咪咁？
長建在英上巿，引帶股價上升，誠哥咁做，當然有著數，而長建PE都高，唔算平，故我冇落撘。我反而想知長和會唔會在英國上巿，因為價錢更抵，又有英國投資，更有條件透過英國上巿，獲得股價嘅上升。於是問下ChatGPT…
移英差不多兩年，雖然唔敢講係老司機，但都差不多由北至南走過一轉，有一點兒心得分享。
大不列顛駕駛雖然沒有漁村咁緊張，但難度並不會比漁村少。因為兩地道路嘅概念大不同，這裡能力越大，責任越重，越要忍讓。大車讓細車，細車讓電單車，單車讓行人，所以這裡嘅行人係無敵，你撞倒佢，好大件事，一定係你錯，故車一定讓行人先過，即使並不是行人過路處也好，有的人甚至望都唔望就行出馬路，若無其事，施施然慢行，你駕駛睇漏眼就好大件事。
大不列顛迴旋處數量係全球之冠，一定要清楚自己去邊，第幾個出口出，進入迴旋處前，已入啱路線，左轉打左燈入左線，正行入中線，右轉出口打右燈入右線，臨出打左燈出。入啱線、打啱燈、望右車小心入，已經好安全，倘若入錯，除非冇車，否則不要夾硬改道，免生危險，兜多少少路，都可到達目的。
我試過8字雙迴旋，真係冇計，跟前車一齊錯，一齊出關，我自己知道出錯，前車都係咁行，我就知一齊錯，據我所知，更有些迴旋處成個萬花筒，好像火影忍者嘅寫輪眼，如果第一次，一定行錯，兜多少少路就算，千萬不要勉強。
高速公路更有蠱惑路牌，車速會變，我試過幾個路段都有變速路牌，你唔好以為50、60、70慢慢咁升，或者70、60、50慢慢咁降，等你好易適應，我試過高速，本來70英里，變速路牌60，冇問題，跟住第二個變40，跟住第三個又升番60，差成20英里，急升急降，倘若沒有睇清楚，會超速，或太慢速造成危險。
遇有響聲嘅緊急車輛，無論是警車、救護車、消防車，佢哋有道路嘅第一使用權，即使逆線、違規都會出現，也是容許，無論如何一定要讓路。如果冇響聲，就當佢普通車即可，不必刻意遷就，當然如果見到警車，當然要醒扒啲，20就行20，免招麻煩！
只有美帝「攣處局」最清楚美國嘅經濟情況，所以一旦減息，讀死書嘅人以為刺激經濟，經濟會好，實情卻是「攣處局」已發現經濟出現衰退，經濟會相當惡劣，不得不減息救巿。
唔好以為美帝衰落，關人忍士，美帝印銀紙通脹，要全球分擔，美帝衰退，也要拉埋大家落水，一定冇走雞，倘若不預早部署，只能眼白白睇住自己財產大縮水。
美帝一減息，美元便貶值，變賣美股轉持現金並不足夠，或要轉到避險資產，可能係非美貨幣、貴金屬、虛擬貨幣？但每個選擇也有風險，貨幣有滙率風險，貴金屬、資源、虛擬貨幣有價格波動嘅風險，有人六萬幾美元買某虛擬幣，現在只值五萬幾，美股跌，按理虛擬幣升，但事實卻一齊跌，可能啲人用孖展槓桿買美股，美股跌，要急急變賣虛擬幣變現補倉，所以虛擬幣嘅價格無法分析，風險極大。
美元貶值，人們便將錢兌換成非美貨幣，特別係避險貨幣，故日圓便反彈，未還日圓嘅人立刻PK，日圓可以借，但不是兌美元賺息差、買美股，而是借日圓買日股，既然股息都夠俾利息有餘，咪試試自己手氣。唔好意思，講到賭錢咁樣，純運氣就係賭博，這種資產配置叫投資。
（投資級別債券也是考慮之列，貪高息買內房債嗰啲人死晒，其中兩隻某手機債券，其中一隻已變正數，等下啦！落實減息便會升。）
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
小朋友一至五返學，星期六要鬆一鬆，駕車去格拉斯哥大約要用半小時多一點。
小兒已完成Nursey階段，正式進入小學。
考慮到政局的轉變，嚟到大不列顛，逃避邪惡「正拳」，這是眾多移英「講人」嘅心聲。對比烏克蘭或他國難民，政府提供住宿或酒店，並提供基本生活費資助，令政府財政負擔加重，Council成日都冇錢，垃圾收集及清潔做得唔好，啲路好多都爛…通脹嚴重、生活困難，怨氣自然多。
正所謂：「兩害取其輕，兩利取其大」，我所認識移英「講人」從來沒有後悔。即使嚟到大不列顛做牛做馬，即使高稅、高通脹，即使暴亂、示威，即使垃圾、爛地…也從不後悔。
學童在自由嘅國度，個人主義也大大增強，以前啲人話到了青春期，兒童才反叛，現在早早已面對，佢地有自己嘅想法，時常令父母激心，昨日我兒又跟印度朋友攞了人哋放廢物嘅環保斗來玩，攪到我及印度小朋友嘅媽咪要收拾，不過即使這樣，總好過在謊言下生活。
美帝一劈就50點子，你估鮑爺傻㗎！一定背後有「景滾」，今年會再減，高息環境令經濟受壓，減得息即係經濟轉差，減親息一定減到一厘以下，問題係未來減嘅程度及密度。 保守投資，有高厘數嘅產品，越長越好，有四厘或以上就要做，鎖死一年兩年，公司債，如果穩陣公司，如投資級別，都唔使怕嘅！ （...
