IB兌換了大量英鎊，準備走佬，英鎊放在戶口是沒有意義，當然是用作投資，然而香港人對英國認識有限，更不要說投資。
故投資指數係最簡單，買追蹤富時100指數的ETF，十分合適。以為單單投資英國，原來是投資歐洲。除了英國，還有德國、法國、意大利、芬蘭、瑞士、瑞典、荷蘭、西班牙等，包含金融、工業、能源、醫療、通訊等領域。
原本想投資新加坡房托，以其不必收股息稅，袋袋平安，買下買下，整了隻歐洲房托，仲係用歐元結算，咁即係又投資了歐洲。
投資港股，藍籌一定有「祥和」，其實中港投資已少於兩成，一半以上投資歐洲，少量亞洲及加拿大，唯缺美國，所以用祥和平衡美元的投資，十分合適。但祥和持有大量英國資產，英鎊跌也對股價有一定影響。
投資最重要是分散，過份集中美股投資，確實帶來豐厚回報，然而亦會帶來風險，因為明天發生甚麼事，沒有人知道。
（聖經啟示錄預言，敵基督（獸）由地中海（海）上來，他具備以往帝國所有特點，撒旦（龍）將自己的能力、座位和大權柄都給了他。我在早年已聽蘇穎智牧師解經，他說統一後的歐洲一定很強，敵基督也是由歐洲出來，故我很早時間強積金已all in歐洲，然而事與願違，歐洲並沒有想像中的強，又發生歐債危機、英國脫歐，對比投資美股差很遠。並非蘇牧師解經唔靈，只是世界末日的時間，沒有人知道。）
（文章只屬個人分享，沒有任何投資建議）
其實呢類「誰是敵基督」嘅獵巫遊戲，玩左好多年，我愈來愈敬而遠之。
回覆刪除N 年前，蘇聯仲未解體，已經有基督徒撰文，將戈爾巴喬夫嘅俄羅斯出身，連繫到聖經「歌革、瑪各」(啟 20:8)等地理標誌，「覺得」佢好有可疑。結果蘇聯解體咁多年，乜聲氣都冇。
半路中途，「坐正」昔日巴比倫舊址嘅伊拉克+撒達姆，又被放入可疑名單一排。
獵巫遊戲其實不斷創新，奧巴馬做美國總統，YouTube 出現唔少影射奧巴馬「好有可疑」嘅短片，老侵上台見過些少，然後似乎開始冇興趣玩拜登。
獵巫無論以「人物」或以「國家」做目標、單位，都好容易跌入穿鑿附會呢類陷阱。人有罪，政治人物更容易捉到佢邪惡舉動，妖魔化之非常容易。
重有好多講法，例如 666 同 barcode 嘅關係 (QR code 呢？)，點解歐盟成員已經多過 10 國重可以連繫到七頭十角？今日回顧有關論述，實在幾任意隨便。
我曾經同朋友開玩笑講：「支___寶」呢類世界通行、滲透到生活每一細節嘅「發明」(除了那受印記、有了獸名或有獸名數目的，都不得作買賣)，何解唔係太多基督徒以此為獵巫對象？因為「支___寶」真係無辜，定還是呢種「誰是敵基督」嘅獵巫思維本來就有其缺憾？
我嘅想法係：與其獵巫，不如熟練聖經真理。敵基督之外，仲有大把壞人壞制度，要辨認要抗拒。
唔好意思，東拉西扯講左一大堆。
始終人有興趣，就有巿場，再者啟示錄確實唔易解，解經家都係估估下，或者有錯，亦不能怪他，只不過資料有限，但隨著越近末世，會越來越清楚。至於各種支付方法，也可用，除非到了某一日要拜過獸像，授過獸印，才要拒絕。
刪除