用IB投資有甚麼好處？如果冇好處，不如去第二間。論手續費，IB不是最平，但一定平過銀行。
用IB，所為三事，一、環球投資。二、兌換外滙成本低、滙差低。三、孖展利息低。這三件優勢都有利投資。至於手續費，做大事的人都不會計較錙銖，好坦白講，你有500萬投資，假設巿況唔好，一個仙都賺唔到，孖展借1000萬放在收息資產，扣除孖展利息，得3厘，一年額外收30萬，平均每月2.5萬，你仲會理甚麼手續費麼？
分散投資是十分重要，沒有環球投資，談不上分散。例如投資香港恆生指數，最簡單買盈富基金，然而大部分都是中概股，如果你所有投資all in 這隻，那唯有祝你好運。
以前曾投資某國房託，春泉產業信託，投資某國首都寫字樓，有8厘息，十分禾味，然而政策轉變，經濟逆轉，立刻兵敗如山倒。熟讀歷史，知道沒有政權永遠長存，公司也是一樣，以前有隻萬國商業機器IBM、柯達菲林、諾基亞，今日人們都買微軟、蘋果、特斯拉、面書了。
某地房託唔得，可以買新加坡房託、英國房託、歐洲房託、美國房託、加拿大房託…終丐股、港股唔得，可以轉陣投資美股，投資抱殘守缺是無用的，很多人揸滙豐大半生，最後臨老過唔到世，唔好以為投資唔關你事，你的強積金MPF也投資緊。
轉變就是適應變幻莫測的唯一法門，我為何喜歡詠春功夫，就是因為透過黐手不住轉變手法，切合有利競爭條件，唔好聽啲就是搬龍門，搬龍門係玩晒，唯有具備黐手不住改變的反應才能匹敵。
（上述只屬投資分享，沒有任何投資建議。）
沒有留言:
張貼留言