去大不列顛是否生存？全視乎個人

世界變得很快，有一些報紙、傳媒也消失了，故我們仍要積極部署，應對時局的變遷。

去到新的地方，要預咗被歧視、預咗收入差、預咗冇啖好食、預咗天氣差、預咗稅率高、預咗不會得到人幫助，一切要重頭開始，要自力更生，我們的上一代都是這樣，千里迢迢來到「鄉講」，安落的日子太久，今日才驚覺原來我們不過是現代吉卜塞人。

正所謂「兩害取其輕，兩利取其大」，大不列顛咁多壞處都要爭住去，一定有其原因。好像投資標普500指數ETF，點解有人買SPY，有人買VOO，短炒成交多、差價少便用SPY，長揸管理費低便用VOO，凡事總有原因。

某鄉講人Enoch，得十皮移英，出發前沒有做足資料搜集及準備，入境後沒有立刻申請國民保險號碼，當然沒有人敢請你，沒有工作，當然沒有人敢租屋，坐食山崩，這是理所當然。跟著埋怨被英國政府出賣云云。

很多人都不會說問題是出於自己，我不敢說閱人無數，但問我借錢的人，生活質素及水準，全部都超過我幾班，手機新過我，衣服光鮮過我，出街食飯貴過我，洗腳唔抺腳，又要充大頭，唔衰得。這些全部借錢唔還，正Poor Guy，死有餘辜。

片中Enoch，有手有腳，年幾比我年輕，英文又比我好，我當你無知，第一次見工，人地唔請你因你沒有國民保險號碼，咁你都醒目，可以即刻申請，英國工作，一星期發薪一次，一星期也涯不到嗎？如果唔夠錢，去Lidl超巿買一大袋方包都係1鎊（10.4港元），鬆動少少，加舊牛油，一定吃得飽，冇錢雪櫃都關埋，食物4度就可保存，啤酒放在窗外吹一陣就夠凍，冇錢就不要開暖氣，著多件衫，用暖水袋，煲一次熱水就算。鄉講人能屈能伸，怎會生存唔倒？這些人整衰晒鄉講人，整衰晒與神同行以諾的名字。

（1品脫奶，約半升，只是49便士，6隻大蛋，44便士，煙肉，89便士。1英鎊兌10.4港元，整個豐富早餐要洗幾錢？如果攪到要瞓街，係英國政府問題？還是人的問題？）

（鄉講藝人林子博，鄉講都搵唔到食，帶著一對子女移英，有飽飯食，有屋住，唔洗瞓街，難道林子博很醒，才藝很出眾嗎？只要肯搏、肯涯，怎會生存不了。）