本來我的心願是去馬來西亞退休,兒子入讀當地國際學校,是最好的選擇。然而疫情中斷,加上重開的MM2H,只接納上等人,不接納我們這些窮鬼。令我們不得不思考大不列顛。
講真到了我們這個年幾,大不列顛的國藉並不重要,選擇走佬,一定係為子女。只不過要考慮去邊度?
以我們這些窮鬼,子女不可能入讀伊頓、哈囉,與未來英國首相、大公司CEO做同學。也沒有能力入讀私立的文法學校,將來子女入讀劍橋、牛津等大學,盡其量只是地區學校,outstanding已是妄想,good已是算偷笑,競爭大的區分,有冇學位也成問題。
英國學校是根據居住地點分配,於是地區成為首要考慮,學校要好,又要夠多,治安及環境也不能太差,預算又有限,真係想爆頭。網上youtuber又話香港人幫香港人,睇樓求其幫人影幾張相又話收數百鎊,好過搶,成交又要收1%,收錢冇問題,但究竟是否檢樓師詹sir的級數先。
其實我都不太想去英國,只是馬來西亞陪讀簽證只可一人去,西馬MM2H又不可能,東馬沙澇越又沒有咁多好學校,始乎未有更好方案。
沒有留言:
張貼留言