IB投資系列：尾國一定再偉大

 當今天下，邊個國家唔係債務重重？如果按GDP比例計，都在伯仲之間。

以債務量去計，「尾脷堅合眾國」係居首，問題係佢有冇辦法解決。

以往迫各國買「尾債」，今日各國央行轉買黃金。

以往只要整冧個巿，資金便會走向「較安全」嘅「尾債」，今日股、債齊冧。

以往買虛幣要用穩定幣，穩定幣要買「尾債」，今日虛幣都虛虛地。

呢種手段，武術叫「化勁」，金融叫「化債」，今日係AI年代，使用AI算力要用token，token要用穩定幣買，穩定幣要買「尾債」，咁「尾債」咪解決晒！

然而，某國阻頭阻勢…

價錢唔係平少少，係平十倍，咁你會怎選擇？就是尾國公司，也將非關鍵敏感數據交去「天朝」處理，咁點「化債」？所以算力不單科技問題，更是國家存亡嘅關鍵，所以點解「尾國」唔容許最高階晶片輸去「天朝」，也是有道理。

影響最大，當然係「揮撻」NVDA，沒有三成收入，你都會嬲，「王人芬」也罕有失控，也提出「養套殺」，好像詠春要迫對手埋身，才能對付，AI也是一樣，要對手離不開尾國嘅底層技術，才能對付，倘若迫對手研發出你唔知嘅「黑科技」，你係無法對付。

今日「尾國」繼續興風作浪，係爭取緊時間，讓全世界缺油，全世界通脹，只有尾國最安全，尾股暢旺，資金一定要回流「尾國」，「勾洲」要買「尾國」液化天然氣，「阿洲」都要買「尾國」油，怎能不持「尾元」？怎能不將持有「尾元」買「尾債」收息？等AI算力嘅token綁定「穩定幣」，AI算力繼續領先「天朝」，「尾債」自然有接盤客，何愁債務問題！「尾國」一定再一次偉大，只不過你哋再一次仆街！

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。