IB投資系列：小心被出賣

 投資最怕俾人出賣。

表面上幾間企下公司夾份攪晶片廠，大家齊齊富貴，但「馬屍黑」持有「士卑益匙」股票多，「突屍拉」股票少，但晶片廠產出，八成用於「士卑益匙」，二成用於「突屍拉」，「突屍拉」承擔較高資本支出，但「士卑益匙」卻優先使用資源，最終贏家係「士卑益匙」及「馬屍黑」自己，「突屍拉」股東權益可能受損。

雖然理論上，日後「士卑益匙」用合理價格享用Terafab嘅晶片，「突屍拉」好似並無損失。但「突屍拉」只佔兩成產出需求，將風險分散在「抬漬殿」、「衫升」等晶片廠，就可避免巨額投資帶來嘅風險，真正非建廠不可是「士卑益匙」，要實現太空鴻圖偉業，但就將巨額風險及財務負擔加在「突屍拉」身上，如果計劃成功，「士卑益匙」升得比「突屍拉」多，如果計劃失敗，「突屍拉」跌得慘過「士卑益匙」。

確實攪晶片廠係有實際需要。

AI發展迅速，被「抬漬殿」TSM度閘門卡住，確實難以滿足需求，需要另謀出路，打破現有思維。

要將整間工廠成為無塵室，倒不如將晶圓隔離，工程師可食住漢堡包視察生產。

昔日GPU打敗CPU，今日A15打敗Blackwell，擺脫通用晶片冗餘設計，兩粒A15只需十分一成本，功耗及效能發揮極致優勢。

設計到好嘅晶片係一回事，能夠產出，又係另一回事，晶片製造係數十年經驗累積而成，眼見千億「肥豬肉」，「衫升」、「嬰突耳」難道唔想食麼？食得到先得㗎！唔係咁易㗎！葉師傅！

股巿回升，唔知係咪迴光返照，賺咗先算！

本星期賣了23張期權，賺2506尾元，約19546.8講元，賺到接近兩皮係極少見。「嬰突耳」INTC加入Terafab，起死回生，要留意。「迴猩猩」SATS因持有未上巿嘅「士卑益匙」股票，也要留意。「乜他」META氣勢好勁，但價錢太貴唔敢掂。

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。