這些例子也聽唔少…
以前我真的以為功夫佬都有啲風骨，可惜我都睇錯，我唔介意你不同立場，如果立場只不過隨利益改變，跟紅頂白，趨炎附勢，這些人仲有甚麼值得尊重呢！只不過係垃圾。
有的功夫佬都係生意人，做生意最緊要講信用，攪唔掂應該清楚跟人交待，唔係做縮頭烏龜。
親戚都冇情講。
當然功夫佬唔係聖人，只不過係普通人，唔應該對佢哋有過高要求，有的師傅不同時期也不同，前期很好，後期很差，有的掠水，要上特別班才學到堅野，遲嚟早走，學完仲冇料到，原來要繼續科水，科夠水才有料到，有啲唔想做到太核突，就拖時間，你學得夠耐，俾夠學費，咪教你野囉！仲係陰啲陰啲咁教，講嚟講去都係個錢字。有的徒弟有資質、悟姓好，教佢多啲也合情合理，但絕多數情況都唔係咁樣發生，有的專對學歷高、懂外語者，但功夫平平，卻特別獲得照顧，因為他們對拓展海外業務有幫助，呢個世界邊有公平㗎？
當年我學標指時竟然要跟遲兩年入門嘅師弟一齊學，我知道自己衰乜嘢，「蝗系」最避忌你學過其他派系，血統唔乾淨，咪要花更多時間淨化吧！
（呢個世界公平咩？）聖誕、新年期間，出街食下野，開心一下…
如果資源唔係問題，去到邊度都唔係問題。貴啲咪食少啲囉，再唔係自己製作，跟嗰個YouTuber 「涼只零」用「嬰國」食材完全複製港式口味，好像寫輪眼一樣，廚技跟武技一樣要練，才會進步。
唔知點解全球詠春，一係變「擘馬詠春」，一係變「瘟系詠春」…
本門嘅詠春由於要打盡㬹，如上圖，任你點埋㬹㬹嘅位置一定不會在中線，而實戰嘅優劣係睇「相對埋㬹」，「實用詠春拳」嘅斜45度不盡㬹拳，下下食到咁盡，差不多去到「絕對埋㬹」，咁點玩呢？
問題我要問，你學詠春，係為了黐手？還是為了實戰？就好似做人，係為了短暫嘅開心？還是永恆嘅福樂？你要做嘅野，要走嘅路已經可以完全唔同，如果單單目標以同門黐手，好似妨間霹靂啪啦，好似好勁，好似好犀利，但馬都冇，咁荒謬都得嘅，咁你點玩都冇問題，如果要實戰，拳拳都要到肉，拳拳都要盡㬹。
我活在邪惡嘅西方世界，癡肥問題相當嚴重，佢哋唔係富到肥，而係窮到肥，因為窮，或者資源有限，而要買便宜嘅食物，這些食物又能滿足人嘅口感滿足，全部都係化學野，最終食到人人變咗怪物。為了短期好處而犧牲了長期嘅健康，今日嘅詠春都係咁㗎咋，黐手霹靂啪啦咁開心，使乜理實戰有冇用，啲拳啲馬咪走晒樣囉！好像我有個師叔有一次跟人衝突，與他衝突嘅人都唔覺得佢學過功夫，因為佢嗰啲係「飛機拳」，純詠春黐手用，掂到就當贏，人哋唔覺得痛，件事上晒新聞紙㗎！
十個詠春九個流，學嗰個都戇居，我哋啲老屎忽幾十年前俾呃咗入局就冇辦法啫，好人好者學泰拳、巴柔好過啦！
這些例子也聽唔少… 以前我真的以為功夫佬都有啲風骨，可惜我都睇錯，我唔介意你不同立場，如果立場只不過隨利益改變，跟紅頂白，趨炎附勢，這些人仲有甚麼值得尊重呢！只不過係垃圾。 有的功夫佬都係生意人，做生意最緊要講信用，攪唔掂應該清楚跟人交待，唔係做縮頭烏龜。 親戚都冇情講。 妄論...
