能夠真正得到真傳，咪得幾個，「念頭王」如是，「講手王」如是，就是師傅也只有拳王文國安、拳王陳俊賢，唔通係我呢啲又雜種、又垃圾嘅詠春拳咩！
就是「瘟師伯」，如果你上夠特別班，又或者精通外語、高學歷，即使功夫平平，也有機會成為入室弟子，雖然這身分與功夫沒有絕對關係，但至少也是一個鼓勵，一個認同，如果未來功夫呢條橋仲呃得下人，佢都仲可以搵到食。
今日我們都知「廢隔信」係「慢攣」最出色嘅教練，但球員生涯平平，邊個會知道呢？韓信在項羽軍中沒有建樹，卻在劉邦軍中建立無比功業，邊個會知道呢？
韓愈「師說」：「師者，所以傳道、授業、解惑也」放在詠春，要將功夫傳授俾佢、幫佢搵食（出份証明）、解答問題。
我好坦白咁講，「瘟師伯」所講述，你未必完全認同，但至少將佢嗰套講得清清楚楚，絕大部份學拳都係不明不白，如果你話我廢，咁我可以點樣唔廢？你話我雜種，咁我點可以變純，使唔使換血？定係基因改造？定係扑傻我，等我冇晒記憶，咁學嘅詠春就純了。如果沒有辦法，不如早早說出，大家成年人，坦坦白白有咩唔可以講呢？
功夫之道，在乎邊個能夠達到彼岸，唔理你係黑貓定白貓，捉到老鼠就係好貓，有甚麼純種？雜種乎？法家嘅韓非，將商鞅、申不害、慎到的思想整合，將法、術、勢合而為一，難道韓非又係雜種麼？
我學詠春拳，好多時都係自己解決問題，例如，被告之有壞手，自己嘅拳不自覺返回中線再打出，但沒有解決嘅方法及功法，於是我自創一套功法去幫自己，再修正埋小念頭，拳埋中線必須停頓，然後打出，避免將埋中及出拳習慣地連埋，由於動作在肌肉及小腦有記憶，久而久之變成壞動作，並不是用最快最短直線。
至於下盤功夫，你花十萬都沒有人教到你，也是我自己參考健身運動悟出來，用深蹲、臀橋，你信又好，唔信又好，你練過就知堅定流？好多所謂「氣功」所以得，只不過包含這些動作元素，以前行路冇力，而家可以行得返，真係「氣功」幫你麼？
如果下下要自己解決問題，人生有幾多個十年去解決問題，拳法好又未必識教你，唔識更加教唔到你，只係希望將學生留得越耐，佢哋就賺得越多，只係諗自己冇諗別人。咁嘅拳仲值得你學麼？
沒有留言:
張貼留言