IB投資系列：蝕大本

 比較李信伐楚失敗及王翦伐楚成功嘅故事：

表面上，李信用20萬秦兵，王翦用60萬秦兵，資本多三倍，贏面確實大。但你睇清楚會發現，李信係冒進，王翦卻堅守不出，待對方後退，露出破綻，才進兵，致獲全勝。

炒股也是一樣，要有驚人嘅耐性，切忌俾敵人少少利誘就出擊，無論你有李信咁少嘅資本也好，或像王翦嘅大戶，每一步都要小心推進，然後才可大獲全勝！

本星期又蝕大本，因為「突郞浦」又跟「馬屍黑」大鬥法，誤傷平民百姓，持有相關股票，難免有損失。我唔會好似YouTuber 報喜不報憂，製造不敗傳說，人哋靠流量賺錢，我用暗語，演算法係無效，我係100%靠投資賺錢生活，在我看，做生意、投資，有賺有蝕好正常。

我唔係專業投資者，如上圖咁睇實個巿，我只係兩部爛手機，一部睇價錢，一部落盤，非常山寨，因為我要周圍走，又要接送小朋友放學、超巿購物等，現在更走到地球另一邊，返回故鄉，手機方便點。

本星期蝕94781講元，完全抵消上星期嗰五皮，賺六千期權金都頂唔住蝕九皮。

人嘅本能，睇人哋仆街最開心，有的係抵死，有的係唔低死。我自己一個月賺幾十萬又有，蝕幾十萬又有，最緊要睇一年平均數，平均一個月有幾皮就夠生活了，我並不擔心。

（某些公司自廢武功，就好像功夫佬自斷經脈，自取其亡，這類股票不宜沾手。「菠陰」慳成本，改軟件唔改設計，人命如草芥，CEO只為短期利益，有沒有奬金花紅，犠牲長遠利益，晶片工業，投資在研發嘅費用，年年只會多，不會少，維持自身專利及優勢，十分重要。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。