愛丁堡詠春：勤力鬥唔過基因

 我說基因決定，先天決定，好多人都唔服。我講下我自己，我自少已經立志要努力讀書，希望成績好，將來有好前途。無奈「爛泥扶唔上柄」，會考也考了多次，勉強讀高中，勉強考高考，最後一敗塗地！

有冇讀書基因，有冇運動基因，我們是知道的，你可以努力，但成就有限，好似我喜歡Chinese History，會考第一次考C，第二次考B，我多麼想考個A，第三次又考番C，我是校內歷史問答比賽冠軍，咁又如何，我就係唔鍾意背誦，只喜歡故事性嘅野，迫都冇用，入唔到腦。

如果年輕，我不反對試多啲，玩下拳擊、空手道、跆拳道、柔道、泰拳，唔使玩詠春咁老餅，如果參加武聯嘅散打賽，或者泰拳理事會嘅泰拳賽，大家都係本地人，有得鬥下，但要衝出國際就難了！泰國拳手有咁嘅環境氣氛，日本拳手有武士道嘅鬥志，你又憑甚麼呢？

黃種人在運動體能方面係弱，以前商、周時代嘅外族：鬼方，根據現代嘅研究可能係白人，因此原始單對單隻抽，係冇得打，一班人群抽，以至戰爭，輸嘅機率也很大，也因此中原發展出隻抽技術：功夫，也發展出戰爭技術：兵法，美國西點軍校都要讀孫子兵法，如果條件好，根本唔使諗咁多花臣嘢。當年亞力山大大帝如果打到嚟中土，秦國係好勁，秦弩係好勁，又準又射得遠，秦將打仗都好叻，中西方第一次驚世對決贏面也很大。

但當基因優勢嘅人已吸收了東方嘅技術，黃種人嘅優勢便不存在。

有啲野你係要接受，鬥嘴鬥氣係無用，如果亞洲能找人打敗上面嘅拳王，我立刻收嗲！今日唔會有，將來也不會有。因為勤力鬥唔過基因，佢哋勤力程度亦不會比你少。