移英日記（331）情感的禁區

 當流散在異地嘅教會出現紛爭，我並沒有受到傷害，因為都活了幾十年人，好聽啲乜嘢都化，但自己當然清楚事實，現實太過殘酷，自己早早Block了自己嘅情感，唔再受傷害可以行下去，這是一種生存模式，唔使做和尚、尼姑，一樣可以做到。

我是情感澎湃嘅人，雖有大志向，但能力所限，一事無成，生活太痛苦，只有不住block自己嘅情感，讓自己可以走下去，好似學武功，封了情感嘅穴道，只有理性可以流通，讓自己搖身一變成為理性嘅人，當然這不是正派武功，而是邪功，理性也為我帶來好處，炒股唔理性就死了九世。正確做法應是打通任督二脈，讓理性與情感自由流動，好像聖經羅馬書12:15「與喜樂的人要同樂，與哀哭的人要同哭。」方為正路。

我嘅父母離世，靈堂所有家人也沒有哭哭啼啼，面對故鄉發生嘅事，也顯得冷靜，移民係純理性決定。

如果有一天可以解開這些穴道，就好像悟空解下200斤衣服，咁就可以自由自在，揮灑自如了！

（外國嘅街角，就好像我身處嘅處境，份外顯得唏噓！）