人類嘅歷史都是奴隸主與奴隸主，以及奴隸主與奴隸嘅鬥爭。佢哋鬥爭不外乎利益，商朝點解要討伐東夷，就是地緣擴張及資源爭奪，不過因此元氣大傷，俾新興奴隸主周朝奪取一哥嘅地位，真係為了仁義麼？
秦滅六國，六國貴族點解要反？因為貴族利益失去，至於六國遺民，作為低奴，賦稅、力役也是一樣，六國稅率、力役會低啲麼？每個人都想利益極大化，問題係用甚麼手段及方式進行，項羽反秦，真係愛國愛民麼？霎戇！由奴隸變成奴隸主，多麼風光！要衣錦還鄉！後來啲人點解反項羽，因為跟佢入關、聽話嘅人，才有分封，如果反暴秦係一個義舉，為民請命，不應計較，點解要再度興起戰爭，令人民活在水深火熱之中呢？講到尾都係利益。
環境及制度嘅變遷就會令一部分人嘅利益受損，同時亦讓聽話、有執行力嘅人，上位十分之快。咁反抗嘅人真係義士麼？原本佢哋可以選「納髮會」議員，有豐厚薪津及地位。原本食物平平無奇，卻招來生意。原本新聞水準不算高，卻有驚人銷量，真係冇利益嗎？確實有不為利益嘅義士，但肯定不是我哋認識嘅名字，講得到嘅名，就係利益受損嘅議員、商人，嘅有利益，就不能算義舉，亦不算義士！只不過好似做生意或投資，搏輸了，咪承擔虧損！真正嘅義士不多，坐監嘅議員、商人只會覺得這些義士係傻仔！
人都係有私心，項羽入關，跟佢入關及聽話嘅人，有分封，劉邦肯認衰、秦降將肯認衰，尊項羽為奴隸主，也得到分封。但是，利益分配不均便會招致問題，劉邦未有照承諾封為關中王，封到巴蜀漢中，雖然保住命仔，自然心生不滿，最終造反。
幾多年不變也是一個承諾，若要改變，只要有耐性及時間，有規劃及程序，慢慢漸變、陰啲陰啲變，溫水煮蛙，多年後變成點都冇人理，但一旦變得太快，無法適應，對未來深生恐懼，這種不安情緒在奴隸主及奴隸同時出現，一發不可收拾。
好像某年某月某日嘅起義，如果人人都係咁窮，係冇問題，但自從改革，經濟改善，高奴攞盡利益，甚至利用特權賺盡，物價飛脹，低奴生活反而更差，經濟改善，餅仔反而分少了，生活反更困難，豈能不作反，倘若讓低奴分餅仔分多一點，生活好一點，悲劇就不會出現。
嗰班奴隸領袖，如果搏贏了，可以獲得英雄嘅美名，甚至利益，輸了就係要付出代價，以及攪呢壇野嘅成本。那麼跟隨他們作反嘅奴隸，連命也沒有，佢哋很多係家中獨子，那些母親年年帶著眼淚去拜祭，佢哋又得到甚麼？只是覺得兒子很傻！
任何起義失敗，奴隸主嘅監管只會變得嚴厲，留下來嘅奴隸，只會更困難，有的會選擇另一個奴隸主，然而，這些奴隸主只著眼利益，著眼他們嘅資產、勞動力，帶著仁義嘅旗幟招攬他們，幾年之後，這些奴隸主就反轉豬肚，收緊政策、大幅加稅，甚至連入藉居留權都唔俾佢哋，苦不堪言！
沒有留言:
張貼留言