愛丁堡詠春：基因決定力量

 以小勝大，以弱勝強，係十分美妙嘅事，不過我講出一個事實，基因已經決定一切。

最頂級藍球明星，係甚麼人種？絕大部分係黑人，其次係白人，黃種人幾乎沒有，「搖明」、「腍輸毫」等雖然打得不錯，也不過極少數，也並非最頂級。

基因是決定骨質密度、肌肉大細、力量、體能，黃種人係全部輸晒，仲有一樣搏擊好關鍵，臂展，最頂級搏擊拳手，臂展比身高還長20cm以上，即使一樣咁高，你都唔夠佢長（嗰方面就更加），邊有得玩呢？換言之佢可以打你，你打唔到佢，就算搏拳互中，佢打到你痛到入心，你嘅拳只不過在佢表面輕輕掂一掂，怎麼可以贏呢？

先天因素已經輸晒，只有計算後天因素，除非你比佢哋勤力許多、許多，實力超過對方。

如果上圖這兩個人你完全唔識，你都會買Chuck Norris羅禮士必贏，但事實呢？佢自己也講了答案，唔似某些武打明星，連「因只單」都話他打得慢，竟然話自己會贏。

這就是夜郎自大。

當實力高過人幾班，就算身型差距、年齡差距、力量差距，也可碾壓對方。不過上得擂台，個個都訓練有數，怎能比別人勤力呢？

（許多功夫只停留在興趣班水平，連業餘拳手也打不贏，更莫說對甚麼甚麼，根本是不可能。如果對手係白人、黑人，連基因都輸埋，試問怎可能贏呢？）

（對於擂台拳王，甚麼武術冠軍，不過係花拳繡腿，因為武術冠軍只要耍得靚、好睇就可以，跟搏擊完全兩回事。周比利億述當年拍電影，最難係留力，忌住忌住，怕打傷佢哋，寧願俾佢哋打，所以電影展現好生硬，唔好睇。）

（周比利大戰李連杰。電影裡反派一定要輸，你哋都明㗎啦！關德興一定打贏石堅，一樣道理。）