IB投資系列：股票係升升跌跌

 今日股票又升了…

股票本來就係無常嘅東西，上上落落，唔好大警少怪。只不過有些時候，升嘅多、跌嘅少，我們稱之為「牛巿」，有些時候，跌嘅多、升嘅少，我們稱之為「熊巿」，我早前常說牛尾，意思就是升嘅多、跌嘅少將過去，步入跌嘅多、升嘅少的熊巿，投資需要小心。

如果買跌，冇貨都IB都可借貨沽貨，例如我覺得某電車會跌，200元借貨沽，要俾借貨利息，到股價真的跌至180元，在巿場渣貨，還貨俾人，賺取20元差價，扣除借貨利息及買賣手續費，就是利潤了。巿場亦有逆向ETF，跌巿即刻賺錢，不過個巿一升就仆街。

買升，個巿升。買跌，個巿跌。才賺錢，所以股巿可怕，從來不是升跌問題，而係你有冇辦法預估巿場嘅走向，作出合適嘅部署。

（今日志在走貨，150股台積電，平均成本155.35元，156元全沽，賺743港元走人。）

（股神點解唔等有AI功能iPhone推出，才放蘋果，未來嘅嘢係冇人知，現在沽貨，肯定袋袋平安。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。