窮人由於窮得太久，往往期望一朝發達。富人知道發達不易，要長賺長有，才有意思，所以不介意賺少一點，但要貨如輪轉才有意思。
如果你的投資組合，沒有現金、債券、基金…，股票只有單一巿場，我敢武斷一點判定：你仍然是一個窮人，無論你投資戶口賺蝕也好，因為心態決定境界，心態係窮人，最後都係做番窮人。
孤注一擲，咪好似波叔咁，玩死一範，當你掌握了賺錢方程式，確實可短時間致富，但巿況一旦逆轉，唔係個個好似誠哥咁醒，賣晒地產去英國買幾厘回報嘅項目，當日俾人笑到面黃，今日四叔發愁，誠哥仍然笑到最後。
去槓桿化、還晒啲日圓，我唔係今日講，做人唔好去到咁盡，仍有彎轉餘地。投資唔好賺盡，每樣放一點，分散投資，要發唔係我發先，係有點可惜，但要死都唔係我死先，好公平。
NVIDIA 我都有炒，但同時警告大家，大老闆黃仁勳日日都賣緊股，SEC文件顯示，8/8及9/8已賣出24萬股，套現2491萬美元，單計8月套現8676萬美元，咁股價仲點會有運行，炒股都要醒爬！
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
沒有留言:
張貼留言