移英日記（188）樂不思蜀？

 正所謂：「好馬不吃回頭草」，我明白世界局勢不住改變，或許某一天漁村變得更好，「痕指」升至四萬點，但至少這一刻不會發生，十年內也不會發生，咁就要積極部署，讓事情變得更好。

古有孟母三遷，為嘅係希望下一代更好，今日我已四遷，很快迎來第五遷、第六遷，如果業主加租或迫遷的話。

今日星期五，小學只返半日，兒子嘅午餐係以外賣打包發放，平時canteen食，完全免費，只限蘇格蘭，英格蘭不肯定，係要俾牛奶錢，三個月一次，有限數，如果貧苦可以申請免費，咁我炒股都賺到錢，唔好攪到咁縮骨，學校義賣又可支持下，始終大不列顛財政黑洞，聽聞某些學校A4紙都冇錢買，真係悲歌，通脹嚴重，各行各業罷工要求加薪，實屬無奈。

工黨剛剛上台，感覺只係反保守黨而反，不見甚麼實際政積及建樹，不過時日尚短，放長雙眼去睇吧！

別人說大不列顛物價貴，我買最cheap嘅麵包，由39便士，加到45便士，現在47便士，約4.7港元，很貴嗎？漁村嘅「生命麵包」都要17港元，只要在家煮食，成本一定較平，基礎食物係冇20%消費稅，零食、汽水等加工食物才有，出街食，人工貴、消費稅，你自己開檔食店，都要賣得貴才圍到皮。

每個人都有權去選擇自己嘅生活，大不列顛沒有漁村嘅多姿多彩，但有嘅是自然景物、博物館等「鄉講人」覺得悶嘅東西，以前出街食咁爽，現在要日日煮、日日洗碗（唔怕用電可用洗碗碟機），以前菲傭做晒，現在要一腳踢全部做晒，所以如果冇仔女，又冇對自由嘅信念，嚟大不列顛未必適合，移民係重要嘅事，要清楚知道自己為咗乜嘢？