移英日記（186）格拉斯哥一日遊

 小朋友一至五返學，星期六要鬆一鬆，駕車去格拉斯哥大約要用半小時多一點。

去格拉斯哥，當然要去享譽國際嘅「特務酒樓」。

正所謂：臨時演員都係演員，飲食雖然並非佢地主力，竟然比許多專業人士仲做得好，值得一讚！

有些人，民生嘅野都講政治，嘥氣啦！你可知漁村人飲嘅「冬肛水」係邊間天朝公司負責？「月鎧投資」，天朝豬肉、牛肉係邊間天朝公司壟斷？「伍風行」，母公司即係「驊用集團」，曾經漁村有個傻佬要一年謝絕所有地產霸權嘅服務，最終一年後咪做番正常人嘅生活，人要生存，始終要面對現實。

天朝可以係漁村保安最嚴密嘅「駟桂酒店」夾走「俏見驊」，「貴紋鎧」在「太國」被偷渡等等，唔代表可以在全世界都可以隻手遮天，收集到嘅資料也要超級電腦才能分析，被美帝禁售高階晶片，AI也難發展，何況海外監控，「移嬰講人」無需擔心，喺酒樓食飯係冇問題，軍情六處睇到實。

最後去The Time Capsule游水，有不同水上遊戲，兒童十分合適，兩大一細，兩舊水有找。