請看以下廣告…
上面很明顯見到「息差」，由於借助外力投資，是「槓桿」，自己唔去旅行，幫人換埋機票，「價差」，又賺一筆。
要投資成功，要訓練自己有這份腥屎sense，好像D人見到日本產品很受歡迎，但兩地價格有差距及款式有限，出現了「價差」，就做了代購生意。
股票巿場也是一樣，早前，我見到台積電值110元，但巿價只需九十幾元，這是「價差」，當然要買，但升幅不似預期，原來有大戶沽貨，這個人叫巴菲特，沽貨原因不是公司差，而是地緣政治風險，我也立刻沽貨，唔係妄自菲薄，人地股神都沽，我係凡人又點敢造次。
我年輕時曾在某快餐集團工作，分店冇生意，又要主力推廣產品，因係總廚設計，如果銷量差，即代表總廚設計有問題，但作為分店，最重要是分店有冇生意，那時一晚出七個即炒粉麵飯，作為快餐最多出兩個，谷人食推廣產品，因即炒成本高，但如果分店冇生意，鋪租、人工已經係死數，即炒邊際利潤較少，也可挽回生意，不過高層當然唔鍾意作擺！人在江湖，身不由己！
你見到上巿公司老闆，一個個傳奇，你以為佢地醒目，其實每年哈佛、麻省理工等大學學府，年年都出無數精英，無數醒目仔，只不過有冇被金主睇中，他們一旦被睇中，就會塑造成一個成功人物，將他們要出的大生意、大發明，由這些代理人出面去做，財富排名榜從來不會出現「金主」的名字，他們不需求名，只要他們忠心耿耿向他們終極老闆辦事就可以，不過即使忠心耿耿，終其一生也未必夠level見終極老闆，所以我們見到幾咁有錢有勢的人，其實算不得甚麼，金主要你放蕩不羈，你就放蕩不羈，要你公眾場合吸大麻，你也無法拒絕，試想以佢的財力，要買起一個傳媒也可以，要禁制一段片會咁難嗎？告到你甩褲都仲得，只不過佢一定要跟劇本去做，金主要股價升就升、跌就跌。只不過我地低level就做小店的扯線公仔，佢地高level就做億萬上巿公司扯線公仔，一樣「人在江湖，身不由己」。
講咁多廢話，同腥屎有甚麼關係？金主幾時撒網？幾時收網？與投資有莫大關係。撒網的時候，經濟向好、股票上升，收網的時候，經濟轉差，股價下跌，我們成日妄想，最平的時候入貨，最貴的時候沽貨，賺最多的錢，但現實是不可能。我們只能在股價仍會上升可能下入貨，股價大幅崩盤前沽貨減少損失，最平的貨唔到你買，最貴的貨唔到你賣，賺少少可以，賺多多不可能，賺多了，最多是運氣使然。
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
沒有留言:
張貼留言