移英日記（128）死期已到

 月尾就要報好稅及交稅，倘若做不到，結果如下：

實不相瞞，至今因為地址跟記錄不乎，無法完成，網上已做了不知幾多次，最後發現大不列顛運輸處，即使更新了Mot、road tax，駕駛執照不會自動更新，已經做埋，收埋，稅務問題仍未解決，打電話等了一粒鐘，印度佬都係例牌叫你再交。壁虎跳牆，郵寄有關資料及申訴情況，跟著收到以下：

佢話2月5日才覆我，咁我月尾怎能完成報稅及交稅情序呢？不過咁，我點都要計好條數先。

我睇下個示範表格，我地移英投資人，仲唔死！要記晒所有股票買入日期、時間、價格、兌換當時英鎊價格，賣出日期、時間、價格、兌換當時英鎊價，盈虧，你可知一年有幾多次買賣？有的股票持貨多久，要追溯買入價錢，當時英鎊價格，有的股票幾買一賣，有的一買幾賣，有的一日幾次買賣，其複雜程度，難以估計，「講股」蝕了三十幾個，都係少意思，這鋪真係「大檸樂」！

這些繁鎖工作，即使你肯俾錢，都冇會計師幫你做，要「歪芺」幫手，歐洲之行都冇走雞了！