四十年前左右有套電視劇「天師執位」，天師（劉丹）從沒有教授徒弟（苗橋偉）對付大魔頭的方法，仍有一招禁術，但他竟然可解封修練…
多年前，某師傅唔小心講了用膀手可破解某招數，但之後就隻口不提，之後聽到這說話的徒弟，卻練極都失敗，最後不了了之。當然對於多年來仍練緊詠春的人來說，我地當然明白甚麼一回事，一個招式成功，不單單手法，更要配合身法、步法、時機才能成事。
這種教授方法，叫「口傳心授」，永遠唔會講明，講D，唔講D，好聽D叫做有無限發展空間，實際上唔想咁快講晒D秘密你知，費事教識徒弟冇師傅，講真，如果師傅有絕對自信，何需這樣？一門技藝需要經年累月才可練成，唔係頭腦上明白就可做到，根本唔需要避忌，簡直多餘，食古不化。我破解了，也不會感恩，只會感概、無奈！
韓愈「師說」清楚說明：「師者，所以傳道、受業、解惑也」解答問題也是師傅的責任，但礙於利益問題，自宗師起，已有徒弟在附近開館，並以更平的價錢招生，跟住徒弟聯署造反，令師徒關係緊張及不信任，種下今日的惡果。
有詠春門人說，標指的「大迴環手」是破解攀頸手，唔識就以為好神奇，識的就笑死。詠春門人都知，一旦使出攀頸手，定必同時抽撞拳，死硬。「大迴環手」力量雖大，但動作大，軌跡長，幫唔到手，如果係鎖技，你可忍一忍痛楚，仲有機會用猛力消解，面對攀頸攻擊，根本係不可能。
正所謂：「標指不出門」，能夠在宗師手中學畢標指者，實屬有限公司，今日聽到很多解釋，都係老作，不過咁，以前社會封閉、資訊不發達，搏擊水平低能到你唔信，幾十年前某兩大宗師在澳門大戰，比爛仔交還不如，所以，以前這些招數，或許仍有一些作用，但以今日來看，已是不可能，面對這些所謂「絕招」，都不必太認真，只不過多個理由俾師傅收錢吧！
除非你放棄詠春，否則一些技法、道理，終歸也會知道，要老吹、作大，很快都知是謊話，教拳可以賺錢，有時卻令人利令智昏，所謂大師傅，卻成大騙子，連基本應該以人的尊重也沒有，咁又何必呢？
沒有留言:
張貼留言