詠春師傅固意裝睡永遠叫不醒

 越有知識的人，就越知道世界發生甚麼事，越接近權力核心的人，就越知道世界發生甚麼事。只是固意裝睡的人永遠叫不醒。

我唔怕坦白講清楚，我在大不列顛酒店執房的工作，是「校長」介紹，因佢黎到這裡，都係執房，後來有機會做教學助理，得嗰皮幾人工（港紙），跟「漁村」差天共地，已經笑笑口，因為可以重投教育工作。許多人以為佢白痴，有皇帝唔做做乞丐，其實佢比我地更清醒。

以前許多人以為「臨井」唔好，其實人在江湖身不由己，佢已經幫漁村頂了許多屈辱及壓力，堅佢twenty three條，因為趕走晒外資，漁村一定冇運行。

戴拳套的搏擊，有拳套，有拳例，有拳証，有軍醫，當然跟真實搏擊有分別，真實搏擊，分分鐘死人，或是重傷殘廢，在搏擊比賽，相對文明及安全，個師傅見徒弟唔得，最多樣衰D拋白毛巾，中止拳賽，絕少重傷無命。我們學功夫，都是想提升自己搏擊水平，絕不是要傷人殺人，讓自己走上不歸路。

詠春各種功法：套路、黐手、木人樁法等，何來是真實搏擊？只是六七十年代，他們用真實街頭搏擊去試招，提升功力，時代唔同咗，我們也要改變，否則詠春實戰，就很快被養生取代。

拳套、賽例係保護拳手，即或與真實搏擊有別，已是最接近，就好像學遊水，用浮板或輔助工具，至少真的落水，不是在岸邊不住練習，自欺欺人。

如果再有詠春師傅找藉口，我推介緬甸徒手搏擊，佢地冇拳套，只係基本扎手，除了泰拳的拳腳肘膝，仲可以用埋頭，故稱為有九技，野蠻，但技術水平不及泰拳，因經常用頂頭搥KO對手，沒有點數贏，只有KO贏。詠春門人要參與真實搏擊，買單程機票就可以，做個有責任師傅，幫徒弟買重人壽保險，確定保單生效，才落場比賽。

作為詠春師傅，對搏擊有一定有認知，有些真理絕對不會不知道，不過正因為太清醒，卻堅持擂台搏擊無用、佢地不過用死力之類，歸根究底不過是透過詠春賺錢，你們有冇技擊能力，根本不在乎，不過正因為太清醒，就相當沒道德。就好像接近權力核心的政客一樣，整個大局比我們草根巿民更清楚，卻為利益沒有行公義，反之助紂為虐，實是可恥。

以前擁有武功的人，怎也有一些俠義之風，路見不平，拔刀相助，現在也只有利益掛帥，永遠得個錢字，解釋要俾錢，開椿要利是之類，科唔足水，永遠俾唔足料，最弊師傅都係冇料，科夠水都唔會有真功夫，真係可悲！