太遠唔講，五枚師太、嚴詠春的事跡近乎傳說，葉問宗師、黃淳樑師傅應該人人都識掛，至少如果學過詠春，唔會唔識掛。（如果唔識唔好話自己學過詠春）
葉問宗師鼓勵門人四出比試，以求真知。當時若不是有做探長的徒弟疏通，成日打架的詠春友，唔坐監都難矣！
黃淳樑師傅將一生打鬥事跡整合成詠春拳學，將詠春成為實戰的格鬥術，我所講的詠春拳，總不離開詠春拳學。例如，面對巴柔，佢地喜歡由遠距離突破，迫至零距離分勝負，中間是有水位的，中距離、近距離可半渡突擊，問題是掌握對手的節奏，敵人也會用假動作讓你掌握錯誤的節奏而從中作梗。
今日的詠春師傅會說，因為某些人詠春唔得，才會用其他方法…云云。或許詠春仍雄霸武林的時候，擁有最頂級搏擊技巧，或許仍說得通，但功夫是不住進步，別人也不會停下來，今日的詠春已不是五枚師太、嚴詠春的詠春了，為何我們用了創拳人以外的手法及技巧？因為外在環境改變，其他功夫的威力也強大了，詠春手法也要進化才能匹敵。
上一輩師傅唔想背負欺師滅祖的駡名，即使知道拳法有改進之處，也不敢公然改拳，就是宗師也假託先師，豈會像龍哥讀藩書，不畏傳統壓力，自創截拳道，喜歡點改就點改，黃公破抱摔也用變種的捆手，以示尊重詠春手法，以及用詠春解決搏擊的問題。
不過，無論像宗師陰D陰D改，黃公將詠春手法延伸用法，龍哥自創拳法，也屬開明武術家。有的人無視世界轉變，講句唔好聽D，搏擊比賽都唔知有冇睇過，傳統武術跟世界的差距毫無認知，夜郎自大、固步自封，有何益處呢？
有的詠春師傅十分醒，明知搏擊比賽有好處，但心知訓練一個擂台拳手，所要付出的精神、時間、體力，何止十倍，單單「畏招」，晚晚都要用「活絡油」，少一點體能也不可能，與唔洗用力的黐手，完全兩回事，仲有頭幾年派員出賽，保證唔會立刻有成績，周遭壓力及同期師兄弟恥笑，戴拳套所擺摏頭與詠春不同，好事之士又說三道四、欺師滅祖…於是繼續做戲、做假，他們心知真理所在，但卻用千萬理由說明戴拳套唔係搏擊之類，詠春師傅唔係㒼塞，只不過越清醒就越不講真話、越冇道德，只係收一份學費，何必咁愚笨付出十倍努力。
（黃公教導女學員𢵧打動作。）
沒有留言:
張貼留言