英國汽車自救系列（二）車燈檢查

 要確保汽車在道路行駛安全，車燈尤其重要，我鄭重建議移英駕車人士，任何時候都要開著車頭大燈，退一步也要開細燈（日光燈），因為英國經常天陰陰，要讓路人或其他車輛注意，十分重要。另外車燈也可示意讓路或表達謝意，燈壞了，人地以為你地漁村人無禮貌就不好了，英式禮儀都要學足，做真正的大不列顛人。

車燈咁重要，故一定要定時檢查，將車泊到安全位置，撻著引擎，大燈、細燈、危險警告燈、左右指揮燈、剎車燈，全部都要試清楚。

倘若有問題，要立刻解決及維修。參考汽車手冊，會告訴你點換。

以我這架Honda思域錢七為例，大燈、細燈都係打開車頭蓋，擰開保護的防水蓋，就可換到，車燈在大不列顛各大超巿如Tesco等均有代售。

（這個細燈，只售2鎊，即每粒1鎊，9.6港幣。）

（車鏡的指揮燈，上網可買到，有埋工具。）

（如果唔得，要檢查插頭有冇氧化。）

（插頭有綠色，有氧化，會導致接觸不良，用界刀清下，盡下人事，始終舊車，再唔得檢查Fuse。）

一般換燈，都係我們凡人可以做到，係車前指揮燈要轉動前輪向內側，開前輪車冚，這個較困難。另外，若換了仍沒反應，要診斷就要耗費心神，係插頭氧化？定係Fuse問題？真係攪好耐，大不列顛就是這樣。