漫畫「幽遊白書」中，幻海大師心知幽助實力根本不能跟戶愚呂對抗，於是打算將畢生的功力，儲於「靈光玉」完完全全俾晒幽助，不過即使幽助多十年功力，都不容易接受，何況此刻…
有啲野，受得到係好。好像我去到愛丁堡北面沙灘，說如果頂得到游水，一定甚麼病也沒有，某弟兄回應因為「瓜咗老襯」，漁村，我仲可以沖凍水涼，但大不列顛，真係無能為力。
168斷食只不過初階版，仲有進階版，16小時斷食，8小時生酮飲食，或在斷食期間再加高強度帶氧運動或肌力訓練。斷食時間也可增長，18小時、24小時、48小時、72小時，每個階段都有隱藏機制啟動，你以為人老了，一定縮水、衰退，斷食可以刺激生長激素，配合適量運動，維持個身型，只要餓得夠，神經元都可再生…
如果你話黐線，我告訴你，所有漁村打泰拳的，都有上述經驗，只不過他們通常食白烚雞胸肉，未前衛到用生酮飲食，要減鎊過鎊，才可參加比賽，當然要去到盡。搏擊能力跟付出代價永遠係等價交換，所以我敢寫包單，泰拳大部分都得，國術大部分都唔得，詠春大部分都係垃圾（我自己練都要講真話），真正的功夫，係要付出難以承受的代價。
都係嗰句，有啲野，受得到係好，受唔到瓜咗老襯就唔好，這個道理跟沖凍水涼一樣，受得到係好，受唔到就好易病，得不償失。到了我們這個年幾，都嗰頭近，唔洗去到咁盡，養生模式就可以，食少一餐，168就可以了，若冇胃口，順勢再挑戰231，又何妨？
禁食期間做運動可以獲得更佳效果，因為禁夠12小時可刺激生長激素及開始轉換能量消耗模式。同樣，禁食期間祈禱也可以獲得更佳效果，因為大腦唔用葡萄醣做能量，轉用酮體，頭腦更清醒、靈活，敏感聖靈，祈禱後，我驚訝今日的一切都是人類選擇的結果，而我們也有分做這決定，我地何時有支持俄烏戰爭？何時有支持鎮壓民主運動？當年烏克蘭放棄前蘇聯核武時，各國係承諾保護佢概安全，俄羅斯入侵克里米亞，各國做了甚麼？沙士期間，漁村人上下一心，教會禁食祈禱，今日漁村變天，異見人士被捕，講壇都唔敢講，輕輕帶過便算，更莫說禁食祈禱。
沒有留言:
張貼留言