去大不列顛俾錢早租樓免麻煩

 大不列顛租樓並不容，D盤一推出，極速封盤，連睇盤的名額都冇，即使我們俾錢「疏聲A準」從中作梗，居中協調，都用了不少時間、心力。

租樓過程中，我明白大不列顛人信用度低、犯罪率高，故業主對租客要求極高，又驚佢唔交租，又驚住所受破壞，政府對租客保護極大，因此業主對租客要求極高，非人上人都唔肯租俾佢。

對於我們這些外邦人，大不列顛人憑甚麼信你，我們連底褲都除埋，讓他們檢驗，所有成員護照及BNO已批文件全公開，全無私隱，每月租金再加碼，才能租到個住屋。另加實力証明，租金幾十倍（最少租金30倍），外邦人再加十幾萬鎊最低儲蓄，咁兩條數加埋差不多兩球，嗰間屋我查過附近那間都係兩球幾，要租一間樓，竟然要有差不多買起這間樓的能力，有多荒謬，要迫我show IB 帳單「晒冷」。

有D野要交學費，要跟大師學藝也要交學費，要跟A撚sir學野要交學費，不過我們一旦落地，這些「疏聲A準」就冇價值。點解要找他們，因為租一個月Airbnb都要三皮，A準錢加第一個月長租租金也差不多，但你能否保證一個月內租到？只要你用一個半月至兩個月才租到，用A準仍較化算，而且減省屋轉屋的麻煩，早租樓，早交巿政稅，早為孩子報學校，仍值得這樣做。

（已落地的「講人」，自己可以睇樓，不必誇境疏聲A準費用。）