IB投資系列：日圓大跌應否兌換？

 作為投資的第一法則是甚麼？正是分散投資，所以我唔理甚麼行業，甚麼巿場，只要有投資機會，我也不會錯過。

只是有些界線，一定要清楚及嚴守，煙毒、賭博、色情、不道德等股票，一概不投資。「北極熊國」、「熊貓國」等受貿易制裁的高風險國，一概不投資。

如果可以，將資產分為十份，五份為美元，三份為歐元，一份為英鎊，一份為日圓，至於港元，其實已經尾水，唔知可以玩多幾多年，切記小心！

美元升，其他貨幣都跌，由於很大機會移民至大不列顛，已分階段兌了100萬港元為英鎊，仍會繼續兌，以300萬為限，夠買樓買車便算。

至於日圓，要考慮會否去日本旅遊？或有投資項目？因為貨幣兌換了要有適切用途，才有意思，早前有奧運，仲可以搏一搏，現在投資五大商事或房地產，都係賺幾厘息，不算吸引，倘若日圓再跌，滙兌都虧損埋，冇意思，除非作為環球投資，係咪都放10%資產在日圓項目，咁樣放點也可理解。

（現在1美元兌128日圓，如果你有實際用途，例如去日本玩，我絕不反對。）

（1英鎊兌9.994港元，終於破10，唔兌都對唔住自己。）

（文章只屬個人分享，沒有任何投資建議。）