未夠五旬就退休，對很多人而言是早了一點，但對我而言，已經晚了。
在成長過程中，沒有人教過我理財，父母只是與一般人一樣，叫我要努力讀書，找份好工作，就好像「富爸爸與窮爸爸」的窮爸爸，奈何自己並非讀書材料，加上Hong Kong教育制度是死讀書，會考也有評分指引，如果係16型性格的S型，就發達，可惜我是N型，而且仲係大N，除了Chinese History，攞到九十幾一百分，但去到中學會考，要跟足評分指引答才攞足分，故只能攞C，最多攞B，再補考，都係攞C，算數，放棄！
至於功夫，又學跆拳道、空手道，最後學詠春，最終得個吉。有些武術為打入奧運，已經失真，但好過冇，對身體也有好處。詠春最廢，十個詠春九個流，已經太俾面，一百個詠春，九十幾個都廢，得幾個得。成功率咁低，何必浪費時間、金錢？算數，放棄！
去到事奉，十年事奉，有好幾年也去了短宣，發現自己沒有顯著的恩賜，別人有教導恩賜、牧養恩賜、醫病恩賜、趕鬼恩賜，我就甚麼都唔係，雖然我知道第一個為主而死的史提反，都不過管理飯食的卑微服事，但死前講的一番話，仲勁過甚麼大牧師，你完全估唔到。但作為受薪的同工，做唔到野，自己又唔清楚恩賜及服事，很難跟人解釋及交代，算數，放棄！
我雖然粗心大意，但對某些事情，卻有算死草的特技。例如，以前做快餐店採購較平的物料，又或者用儲值咭代月費省錢等，但都是細數，幫助不大，直至賣樓有幾球，再用槓桿，借成千萬，才有利潤，用「息差」、「價差」賺取回報，每月俾孖展利息差不多成皮野，都咪話唔驚！
我並不是優秀的投資者，我只要贏點數就夠，即係TKO，從來不需要KO。就好像詠春拳手大戰散打，打一一就夠，一下打完即走，淹都淹死拒，千萬不要打一二，對方輸點數夠多，自然露出破綻。倘若貪勝不知輸，打一二，你打第一拳攞一分，你打第二拳，散打反摔你攞兩分，反輸一分。
有足夠被動收入，就可以退休了。
（任甚麼大師怎樣說，總言之，我賺到錢就可以了。）
（文章只屬個人分享，沒有任何投資建議。）
沒有留言:
張貼留言