準備交吉，收拾細軟，醒覺香港人不過是遊牧民族

 我自己雖然是土生土長的香港人，但是我的父母也是來自大陸，希望來到安定的地方生活，想不到，來到這一代，又要經歷流離顛沛的生活。

由於準備交吉，收拾細軟，喚起過去種種回憶，驚訝發現，自己不過是遊牧民族，由木屋區，上樓至公屋，高中讀書去朋友住，學護時住醫院宿舍，離開醫院後，工作也不順，後來去到教會服侍，人工雖低卻神蹟地上了樓，之後淪落地盤，人到中年，半途出家，雖然埋唔到欄，賺唔到大錢，但也可以讓歪芺（wife) 放下工作，休養三年，終於有了兒子。

每當有途人說我們抱孫去飲茶，可能反映歲月如梭，倒不介意，但做人做事倒已盡力無悔，又要再做無殻蝸牛，安定了十幾年，總是有點不習慣，但我知道每一個非常時期，都要作非常決定，然後才會有好結果。

弟兄多次游說轉陣去英倫，但我清楚知道，以現有資本及實力，最多是為兒子報讀英國普通公立學校，如果location差一點，甚至讀三流學校，咁又何必呢？我絕對相信大叻國際學校、檳城高地國際學校遠勝這些英倫公立學校。當然如果你有本事、有實力，住好區，讀excellent學校，也是一件美事。

每個父母都將最好給兒女，如果可以，點解要俾次好或者差劣的選擇？

（歪芺買了白色波鞋俾兒子返學用，另一對涼鞋出街用。）