IB投資系列：長賭必輸

 賭場贏嘅唔係賭術，而係賠率，只要稍稍降低賭客%，提升賭場%，由你進入賭場一刻，勝敗已經決定了。

賭波也是一樣…

你以為考眼光，其實賠率早早決定勝敗，上一場阿根廷對埃及，你以為埃及贏了，博彩公司就賺大錢，阿根延贏了，博彩公司就輸大錢，其實無論那一隊贏，博彩公司都穩賺不賠，當所有人都買阿根延贏，博彩公司就會降低阿根延嘅賠率，提升埃及嘅賭率，以致投注能夠平衡，反之亦然，博彩公司每收100元，只派95元，只需簡單抽水就穩贏。

投資也可穩賺，但你可唔可以100元，只抽水5元就足夠呢？通脹都追唔到，「鵝污戰爭」，「嬰國」試過通脹十幾%，入油貴到飛天，賺少啲都唔得，迫使要將風險系數不住提升。

做人簡單啲係好，但人在江湖，身不由己。退休將MPF買晒政府年金，加埋長生津，夫婦各有一萬元，去物價較平嘅地方，肯定夠使，但如果活得太長命，通脹都會蠶食，要去通縮勁嘅地方，唔好以為唔會發生，「東瀛」都迷失三十年，人都係為咗生存，再好一點才是生活，再好一點才是享受。

炒尾股基數極大，個別財閥不能輕易左右股價，基本上要控制並不容易，財閥透過基金佬發佈利好、利差消息，但不同財閥利益不同，期權有買升，亦有買跌，因此風向各有不同，消息有真有假，所以除了最高級嘅元首如總統、議長持股較堅外，其他都係估估下。問題炒股往往勝不過人性及定力，高買低賣者屢見不鮮，「彪譜伍佰」又嫌佢慢吞吞，怎能賺到錢呢？

我都係人，也敵不過人性，靠買賣賺到一時，但難以持久，長賭必輸。反觀期權鎖定了收入，只有期權金，唔使諗其他野，等到星期五收巿，或0.01尾元，100股即1尾元平倉便算，中間升升跌跌，都唔使理，佢只計收巿一刻，put option，幾多錢接貨，call option，幾多錢沽貨，風險水平，賣期權一刻已經諗清楚，中間有波動，影響情緒也好，你都只有等。

有時人有太多選擇，都唔係太好，當你揀來揀去，歲月蹉跎，這個世界已經不再係你玩了。

（為了所愛嘅人，有啲嘢冇得揀㗎？）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。