我在另一個國家生活，用另一個角度睇呢個世界，有不同嘅體會。講真，邊個政客唔仆街？全部都仆街，沒有例外。邊個唔係將自己利益極大化？全部都自私，沒有例外。天下烏鴉一樣黑！
只不過每個地方嘅場景、文化、制度不同，佢哋可以用嘅手段有異。某些地方，可以用高射砲對付反對者，某些地方，可未經審訊，千里以外用高科技殺人，也是可以，或者無了期囚禁，將所謂恐怖分子永囚在本國以外監獄。「突屍拉」嘅自由能源唔係造福全人類嗎？但當這個設備影響背後財閥嘅利益，就會用一切手段將之封印，在利益之下，沒有例外。
「漁村」嘅問題，係「鄉講人」以為這地方是「文明」嘅地方，應該用「文明」嘅方法處理，至少用一貫程序去做，但事實上卻用了「第三世界」嘅方式，這是令人無法接受，唔係因為「鄉講人」飲「嬰國奶」養大，種下反叛因子，而係遊戲規則完全改變，人們適應不了，如果循序漸進、溫水煮蛙，問題不大，突然加大火力，青蛙都跳晒出來了！
秦滅六國，一統天下，要短時間全面性管治，雖然秦國多年奉行法家，制度上有優勢，但對六國臣民仍未適應，陳勝、吳廣作反，真如我哋中學歷史所教，因天雨誤期，被迫作反？根據秦律，誤期可以用力役、金錢補償，何需作反呢？係咪對制度唔了解，或是利用人民對制度唔了解，作出煽惑。
如果2047先變，沒有破壞50年不變承諾，又或者溫水煮蛙式，慢慢變，問題也不大。如果短時間突變，又沒有充足時間理解及適應，自然要走。我哋始終唔係嗰啲沒有道德包袱嘅變色龍，話變就變。好像小朋友，以前唔使返學，至三歲要返幼稚園，都不過是玩，去到小學、中學，才逐步加碼，又功課、考試，咁樣才能適應，一入幼稚園就開始功課、考試，自然想離家出走！
政治，就是治民之法，本身就是你必須接受嘅邪惡，沒有例外，問題係你能否適應該種管治？「漁村」表面係低稅，只不過喺土地上面收了，地產商替政府交稅，然後在住屋、交通、超巿等各民生事項收回，一旦賣地唔理想就麻煩。「鄉講人」過往活得好，又最長壽，只不過有一半人住公屋，可累積財富，有七成供斷層樓，又有一段時間經濟起飛，「漁村」做白手套，撈到風生水起。
如果「天朝」在「漁村」實施全面性管治，放棄了以往「一國兩制，講人治港」嘅成功模式，咁「漁村」嘅白手套就做不成，「天朝」被「尾帝」制裁，「漁村」也難逃一劫，咁「漁村」又點會好呢？就好像買股票，買死一邊，沒有避險，咁只有死路一條。所以放生「漁村」，並非放任，而係避險，好像「無主席」所講「充分利用」，國內空虛，也靠「漁村」轉運物資，救返一命！
講政治，「嬰國人」係數一數二，邪惡程度不減，但手段高明許多。「嬰國」做醫生跟工人不會差很遠，藍領比白領人工更高，令人民普遍唔讀書，智慧普遍偏低，讀得書就非常叻，成為精英階層、管治階層，佢哋唔使用資訊管制等下三流手段，就能有效管治愚民，首相？不過係演員，佢演得唔好，咪俾第二個做，即使長期低增長、高通脹，管治咁差，背後嘅「嬰王」從來沒有易位，非但永續，而且世代相傳！這才是真正嘅高招。唔似一些國家，一旦永續權力，就俾人批評。
沒有留言:
張貼留言