IB投資系列：窮過呂蒙正

 我唔係某些移英講人反諷，賺十萬、八萬都可以窮到燶。因為賺錢是期權，但蝕錢係虛幣股，入幾多水也好，也趕不住漏水嘅速度，但即使蝕到入肉，只要未賣出，稅局都唔當你蝕錢，但賺錢嘅部分要計足稅，資產不住減少，孖展槓桿嘅保証金越吃緊，賺錢能力便越來越弱。

如果一年賺100萬，但資產跌200萬，仍然要俾24%資產增值稅，即24萬，生活費一年36萬，即要提60萬，仲要將來永居入藉嘅錢及流動性，咁即係提100萬，戶口跌200萬，合共要減少300萬，無辦法保持孖展保證金，IB立刻不問價幫你清倉，立刻玩完，好坦白講，生活費都係勉強陰啲提取，奉獻都冇錢，交稅、永居、入藉，到時先算啦！

繼續高風險項目，都唔係正經股票：「拆掠」MSTR、「奧畸艾撈奧」OKLO、「士卑益匙」SPCX之流，本星期賣期權，賺番2469尾元，約19258講元，幫補下，我知係吊鹽水續命，「拆掠」MSTR唔升番，我都要死！客死異鄉！今鋪真係窮過呂蒙正、慘過梁天來！

友人投資山寨幣，佢比我更慘，永居、入藉都冇錢，正常我應該幫下佢，但「泥菩薩過江，自身難保」，如果真係唔掂，我賣咗架Yaris都攞番十萬、八萬，點都攪得掂，只不過神俾人少少考驗吧！

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。