IB投資系列：兵行險著

 反思持有虛幣股「拆掠」MSTR都唔係辦法，虛幣短期內都唔會升番12萬尾元，我做出第一步驚人決定：

跌咁多嘅股票，7日期權係無肉食，手續費都蝕埋，唯有用遠期嘅期權，分別係2026年、2027年、2028年嘅年底，今年2026年底250元Call Option，有2.07元及2.11元，2027年300元Call Option有12.46元，2028年345元Call Option有21.59元，時間越耐，變數越大，期權金也越多。這四張收期權金29794講元，接近三皮，幫補下都好！

咁嘅策略有甚麼可能？如果股票不升不跌，或者下跌，就白白賺取期權金而唔需行權。反之，若股票在指定日期到達指定價錢，就必須行權，履行合約。如果升穿指定價錢極多，升突嘅部分跟你也沒關係。

我自問定力有限，對這隻躝癱股票，耐性有限，就算「拆掠」會升穿1000元，我也等唔到嗰日，升至200元也放得七七八八，虛幣這東西唔知可以玩到幾耐？既係這樣，倒不如賣出看升期權，收了期權金，減少損失，亦迫自己唔好200元左右就放晒，今個星期五到期嘅MSTR期權，全壓在年尾，如果該年未行權再全壓在2027年尾，如果2027年尾未行權再全壓在2028年尾。價錢或會因應當時情況調整。「歪芺」再提出修正議案，將一半壓在年中，一半壓在年尾，以防中途要用錢，不會因期權鎖死，期權雖然可以喺市場上贖回，但如果升得太急，價格好貴唔值得咁做。

做任何投資決定，一定要考慮風險。2026年尾升穿250元，2027年尾升穿300元，2028年尾升穿345元，升穿一概與你無關，人哋發達一概與你無關。

時勢唔好，兵行險著，也在所不惜！

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。