IB投資系列：你窮，因為你唔愛錢

 貧窮，許多人歸咎於出身、環境、際遇、命運…總言之唔關自己事。你貧窮只有一個原因：因為你不愛錢。

如果真係愛，你會用盡一切方法，將佢留喺身邊。你愛嘅女人會為佢咁做，點解錢卻唔會呢？因為你根本唔愛錢。

當你要買名車，你考慮是要車唔要錢。

當你要買名錶，你考慮是要錶唔要錢。

當你要「萬歲」，你考慮是要面子唔要錢。

既然你所做一切都係唔要錢，求仁得仁，你貧窮也是理所當然。

真正愛錢嘅人，慳到你唔信，住舊屋、揸舊車、食麥當勞、飲可樂、借家具…我自愧不如。

（這就是真正愛錢嘅人。）

最新「薈瘋」報告說，退休每月五皮，即屬富裕人士，不過這裡所指是被動收入，即係靠退休金、收息、收租等收入。我靠高風險投資，在刀口上搵食，賺幾皮都覺得窮，因為蝕一鋪都可以好甘，打回原型。

（AI記憶體佔比，「衫昇」第一，「SK凱歷事」第二，「尾肛科妓」第三，買「尾肛」MU只因尾股容易買，買頭兩隻要兌「寒圜」或借「寒圜」孖展，有滙兌風險及利息開支。佢哋有官司，要停一停。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。