IB投資系列：橋唔怕舊，最緊要受

 「抬漬殿」TSM第二季淨利年增77%，嘩！咁股價咪好似火箭咁升，非也！因資本開支大增，由520-560億尾元，增至600-640億尾元，主要在2納米及3納米生產，又加碼1000億至尾帝「啊你喪拿」廠房，至2650億尾元…

公司這一刻係賺到錢，但未來資本開支大增，難免令人不安，只要巿況逆轉，這些投資就化為烏有⋯⋯因此股價不升反跌。

這種敘事咁似曾相識，每間AI公司都係咁，股價不升反跌，仲連累埋其他股票一齊下跌，橋唔怕舊，最緊要受，劇本都費事改，慳水慳力。

咁攪法，真係會死人…

「藍寒」早前係40萬散戶爆倉，現在係120萬散戶爆倉，風聲血淚！虛幣爆完，AI又爆！總言之，要你雞毛鴨血！咁嘅時勢真係好難搵食，唯有自求多福！

「馬屍黑」嗰隻「士卑益匙」又唔爭氣，跌破招股價135尾元，個個員工鬥快沽貨，走得快好世界，真係「屋漏兼逢連夜雨」，迫到你唔死都唔得！

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。