愛丁堡詠春：第一原理

 有許多人嘅人生攪到一塌糊塗，因為唔明白其中嘅道理，搞錯晒方向。

要攪出事物嘅本源：第一原理。

家庭嘅第一原理係乜嘢？

有人以為感情，感情唔可以當飯食，最重要係經濟，許多人唔敢面對，因為講出嚟都覺得市儈，會俾人鬧，但這是事實，正所謂：「貧賤夫妻百事哀」。幾多爭炒都係來自經濟，錢唔係萬能，但至少可解決九成以上問題，基本野得到滿足，問題就少很多。

投資嘅第一原理係乜嘢？

許多人以為搵大錢、發達，其實投資最重要係風控，風險控制，這方面我也控制得唔好，虛幣股「拆掠」太多，致有今日嘅敗象，如果大後方係「彪譜五百」指數基金，而家應該坐緊郵輪，去咗挪威囉！

健康嘅第一原理係乜嘢？

有人以為係藥物、醫療，霎戇！真正嘅健康是自律。有些健身網紅想仿效C朗嘅餐單，但最終吃不下，因為太齋頂唔順，抵佢成功！

咁詠春嘅第一原理係乜嘢？

真嘅「孽問」都冇做過「孽問蹲」，但有些人因電影嘅影響，以為「孽問蹲」係絕技，以此為自豪，豈不可笑！正所謂「高馬難擋，低馬難走」，低馬低到盡，仲單腳，欠缺靈活，在搏擊毫無價值，盡其量是練功之法，好似深蹲一樣。我坦白告訴你，就算你做到少林嘅二指禪，甚至一指禪等絕技，上到擂台都係做炮灰，詠春嘅真諦係實戰，黐手只不過眾多訓練，其中之一，就好像蔥、蒜只是烹調食物其中材料，牛扒才是主菜，今日詠春將黐手為主菜，咪好似啲人將「孽問蹲」當絕技一樣，天下烏鴉一樣黑，沒有例外。