許多人追求都是表面風光…
娶豪門千金，戴完美古董Daytona…
我好認同上文作者嘅睇法，過得體面，已經足夠。
「富爸爸窮爸爸」已清楚說明致富嘅方法就是增加資產、減少負債，但其實許多人是分不清甚麼是資產，好像「餘紋烙」買靚車、名錶…其實都是偽資產，車係會折舊，越來越唔值錢，古董錶如果來自上一代傳承，加上保養得宜、運作正常，也相當值錢，倘若在巿場採購，買回來已是巿場價格，實在無利可圖，再加上無謂嘅完美主義，東拼西拼完美嘅零件，全無歲月嘅足跡，也非古董錶應有嘅味道，1200萬「積木錶」價值未至歸零，也沒有人會買，沒有巿場價值。
項羽衰乜嘢？真如我們中學歷史所教，佢復行封建麼？放生劉邦麼？佢真正衰嘅，係追求表面風光，簡單講，即係要威！要面子！而非實質價值，「富貴不還鄉，如錦衣夜行」，倘若定都關中，有項羽嘅武力，加上地勢嘅優越，天下無人能敵，想敗家也難。當項羽戰敗，仍可返回江東，捲土重來，他卻自慚，無面目見江東父老！又係衰面子。反觀，劉邦嘅面皮，成尺咁厚，唔知個醜字點寫，不拘小節，高下立見。
揸架Supra、GTR…好過分麼？不過分，主要視乎車價佔財富嘅比例，如果買架車都要供，嘥氣啦！
一個人只追求面子、氣派，而唔係追求實質價值嘅野，或許短時間仍有高光時刻，但長遠而言，最終都係慘淡收場。
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
沒有留言:
張貼留言