IB投資系列：刀口搵食

 當孖展槓桿戶口內嘅保証金跟總資產之間緩衝少於10%，IB便會出清算警告。假設保証金要求為100萬，戶口總資產少於110萬，便會作出警告。

一日響幾次警告，你就知乜嘢事。刀口下搵飯食就係咁樣。用盡槓桿額度是其一，更重要是資產價格波動或回調，當持有嘅野冇咁值錢，便很快進入臨界點。

今期賺最多錢，當然係嗰隻「尾光科妓」。

人哋賺好多，我只能賺少少雞碎。

上星期五賣一張670put，收677尾元。

本星期二再賣一張750put，收494尾元。合共1171尾元，9133講元。連埋其他期權，一星期收兩皮幾，好過打工。

上星期五賣嘅期權，收錢較多，接貨極難，只因MU升了，倘若MU跌了，本星期賣番670，期權金較高也說不定，通常我於星期五收巿前，用0.01平倉，1張100股，即1尾元，釋放槓桿額度，希望星期五買下星期五到期嘅期權，因為時間長了，變數多了，期權金也較多，但唔係所有期權都可平倉，因為我只出價0.01，平到就平，平唔到就等收巿自動settle。

股巿係無常，沒有人有水晶球可預知結果，只能小心謹慎。未來有「士卑益匙」上巿，諗sir提醒我們要小心天仙局，股價上升某個百分比，班「高奴」就可一定比例散貨，15日若升至某水平納入指數，指數基金就要強制入貨，「高奴」再散貨，至禁售期結束，就全散貨，股價就跌落火星。

股票保薦人又同是股票債權人，上巿所得正是償還這些債務，明顯有利益衝突，他們一定叫好叫座，個個都係過咗海就神仙，你死你嘅事。

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。