移英日記（384）老翻

「天朝」最強係乜嘢？抄。我以前細個，很多時都係買老翻玩具、模型，至長大一點，抄碟玩遊戲，Gameboy老翻帶，Sega老翻碟，NDS老翻系統…，我們用低成本享受了遊戲、娛樂，至長大，又在耶穌感召之下，希望做個好人，電腦都係用正版windows，砌機都要俾錢買license，心底上覺得好戇居，但好人永遠要做蝕底嘅嘢！

老翻，好似我哋以前學書法嘅方法：臨摹一樣。

咁科技呢⋯⋯

寒國嘅「起啊」、「現袋」都係參考「東瀛車」，然後自主研發，無中生有係無可能，但至少唔會Copy就算。

這個特技，北斗之拳叫「水影心」，火影忍者叫「寫輪眼」，將對方嘅招式化為己用，對付番敵人。如果透過合法方式，技術轉移，爭議較少。

好似細個抄功課，一式一樣咁抄，錯又一齊錯，老師都會發現。如果改少少，加多減少，或甚理解完，再用自己筆法寫出來，好似「起啊」、「現袋」汽車咁，引擎技術原理也是一樣，唔通人哋會詐你型咩？

好似詠春拳咁，人人以為copy最好，最好copy「孽問綜獅」個套，一定名門正宗，最終將錯嘅精粹，完全吸收。

甚麼叫提肛，係收緊臀部，但唔代表上身後傾，因此有挺腰嘅要求。

好多詠春學到錯晒，留意「蝗公」對練左邊嗰位，「後傾詠春」就係咁嘅樣子。這種「水影心」、「寫輪眼」，就唔好學啦！

（任天堂正版遊戲。而家啲細路就幸福囉！）