今時今日，演員嘅道德都冇了…
功夫師傅，大家都知做戲，99%都是戲子，只不過而家搲爛塊面，戲都費事扮…
斜晒條腰，食住煙斗，咁算甚麼樣子！以前武館師傅都會坐，但條腰一定正，唔會翹腳，神態威嚴嘅樣子。如果真係有病，坐在輪椅都睇下弟子練成怎樣，我是尊重的。
上一代師傅，難免有吸煙惡習，以前健康教育及資訊不足，都係可以理解，問題係個態度，如果尊重自己嘅詠春，尊重自己職業，都唔會show咁嘅死樣出嚟，唔係人身攻擊，而係我幾十年人，都嗰頭近了，注重規範禮儀嘅空手道、跆拳道…見過，傳統、非傳統武館又見過，casual點都冇問題，但伸晒條腰、食住煙斗、翹晒腳抬起，我真係孤陋寡聞，未聞之！也接受不了！
正正常常嘅戲子，至少扮下野…
以証明自己名門正宗，手法如何正確。嗰啲戲都費事扮，咁即係算點？當人哋低能、白痴⋯⋯你吸住毒，都照跟你學，奉上金錢麼！
你功夫好犀利麼？可以囂張到咁嘅樣子麼？說到底，只不過跟過「蝗公」，拳法上好多都合情合理，再加上附加嘅演繹，吹到天花龍鳳，自然大把生意。
我知道好事之士，必定話我，踐踏別人抬高自己。我重申，我只是垃圾，永遠都係垃圾，師傅都耍手擰頭，覺得我係雜種詠春，從來沒有得到認同。但是如果某一天，有人誠心嚟到愛丁堡，請教我有關詠春拳嘅事情，我必定將基礎詠春拳，告訴你清清楚楚，而且分文不收，因為我根本不必靠詠春來搵食，我一定企住教你，如果我興奮過頭，講了成朝，唔該你跟我企一朝，絕對唔會坐到斜晒，翹晒腳咁嘅衰樣，你如果係師傅，你自己都唔尊重自己，邊個嚟尊重你呀？
沒有留言:
張貼留言