如果你眼中嘅「眉宛」只不過軟件公司、「揮撻」只不過出打機咭、「康零」只不過玻璃廚具公司、「阿馬信」只不過賣書嘅電商、「抬漬殿」、「尾光科妓」、「SK海歷事」只不過代工電子廠…咁你千萬不要投資，因為財富係跟跟人嘅認知成正比及匹配，假使你無知而富有，你嘅財富都唔會長久。
在AI時代，2納米極紫外光微影技術、HBM4垂直堆疊技術等…全部都是人類工業嘅極限，而且是AI發展所必須，這種物理層面嘅稀缺，賦予廠商前所未有嘅溢價能力，將原本微薄嘅毛利，推向歷史嘅頂峰，股價自然急升。
不過公司估值仍續，關鍵是AI神話仍續。假使「尾脷堅」與「天朝」嘅AI科技大戰，因「天朝」崩潰而完結，「尾帝」對AI嘅投放也會放緩，整個AI價值重估，就唔值今日嘅價錢了。
我哋不住問自己嗰問題，我哋使唔使去月球？去火星？使唔使穿越太陽系？雄霸整個宇宙？人類自己嘅問題也沒法處理好？殖民火星就可以解決問題麼？睇「機動戰士高達」都知殖民星跟地球都會打扙，有人嘅地方就有政治。另外，AI及機械人最終將邊際生產成本接近零，稀缺問題就可解決麼？人類就唔會饑荒麼？唔會再有人涯餓麼？今日全世界嘅糧食係足夠全人類食用，因為資源分配不均，仍會有戰爭，仍然有人餓死，讓科技提升生產力十倍、一百倍、一千倍，結果仍是一樣，一樣有戰爭，一樣有罪惡，一樣有饑荒，咁AI帶來甚麼改變？有資源嘅人，繼續有更多資源，無資源嘅人，咪繼續無資源。再講白啲，要上天堂，繼續上天堂，要落地獄，繼續落地獄。
就算如「馬屍黑」所言，量產嘅機械人只需一架車嘅價錢，都唔係所有人可以負擔，將來嘅家庭，一架自動駕駛車輛、一部全能機械人、全家AI算力，所謂提升生活，全部都係用錢堆砌出嚟。今日就算你cheap cheap地裝部「聾蝦」，都要正正經經買部Mac機，或額外一部電腦，加算力token，token錢閒閒哋數千至數萬元，視乎你做甚麼工作，你估係俾普通低奴、窮鬼玩咩！
所以邊際生產成本接近零，只代表商家佬可賺取豐厚嘅利潤，唔代表窮人可用低成本享受物質。當「漁村」經濟起飛時，地產發展商賺取暴利嘅道理一樣，從來沒有理會窮人住屋問題。讀過經濟學都知，公司成立目標只有一個目標：利潤極大化，「馬屍黑」、「豬黑白隔」、「背索屍」、「標基」…從來都唔係開善堂，改善人類生活，而係賺更多、更多、更多嘅錢。
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
沒有留言:
張貼留言